ចាន់ រតនា រំពឹងចូលវាយ MMA ជាថ្មីចុងឆ្នាំនេះ ក្នុងទ្រុង ONE Championship

2017-11-01 05:18:19
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករប្រដាល់ក្បាច់គុនចម្រុះ ចាន់ រតនា បានអះអាងប្រាប់ Sabay ថាខ្លួនរំពឹងទទួលបានកុងត្រាថ្មីពីស្ថាប័ន MMA ដ៏ធំបំផុតនៅអាស៊ី 'ONE Championship' នាពេលឆាប់ៗខាងមុខ។

រតនា បញ្ជាក់ថា នៅពេលបានកុងត្រា រូបគេនឹងអាចឡើងប្រកួតជាថ្មី ដែលការប្រកួតនោះ ទំនងជាអាចកើតឡើងនៅក្នុងខែធ្នូ ចុងឆ្នាំ២០១៧ នេះ។ យ៉ាងណាក្ដី អ្វីៗនៅមិនទាន់ផ្លូវការនៅឡើយទេ ត្រូវនៅរង់ចាំខាង ONE Championship។

គួររំលឹកផងដែរថា ប្រកួតចុងក្រោយរបស់ ចាន់ រតនា នៅក្នុងទ្រុង ONE Championship គឺចាញ់កីឡាករចិន Xie Bin កាលពីខែមេសា ឆ្នាំ២០១៧។ ចាប់តាំងពីពេលនោះមក រតនា បានងាកទៅផ្ដោតលើការប្រកួតគុនខ្មែរក្នុងសង្វៀនទូរទស្សន៍ក្នុងស្រុក ដោយទទួលបានជ័យជម្នះជាបន្តបន្ទាប់។

ចាន់ រតនា ក្នុងការប្រកួត MMA ក្នុងទ្រុង ONE Championship នាពេលកន្លងមក

លទ្ធផលកន្លងមករបស់ ចាន់ រតនា នៅក្នុងទ្រុង ONE Championship គឺឈ្នះ ៣ដង និងចាញ់ ៣ដង ពោលគឺឈ្នះកីឡាកររួមជាតិ ប្រាក់ ចាន់ស៊ីន (ឆ្នាំ២០១៤) ចាញ់កីឡាករកម្ពុជាម្នាក់ទៀត គឺ សំអាង ឌុន (ឆ្នាំ២០១៤) ឈ្នះកីឡាករហ្វីលីពីន Ramon Gonzales (ឆ្នាំ២០១៥) ឈ្នះកីឡាករសំអាង ឌុន (ប្រកួតសងសឹក ឆ្នាំ២០១៥) ចាញ់កីឡាករចិន Haobin Ma (ឆ្នាំ២០១៦) និងចាញ់កីឡាករចិនមួយរូបទៀត គឺ Xie Bin កាលពីខែមេសា ឆ្នាំ២០១៧៕