រឿងទាហានថៃជាន់មីន មិនទាន់ស្ងប់ ថ្ងៃនេះ កម្ពុជាបង្ហាញខ្លឹមសារអនុញ្ញាមីនអន្ដរជាតិអូតាវ៉ា ច្បាស់ៗ

2025-07-21 07:30:18
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្ពុជា តាមរយៈមជ្ឃមណ្ឌលសកម្មភាពកម្ចាត់មីនកម្ពុជា បានបញ្ជាក់ជាថ្មីនៅថ្ងៃទី២១ ខែកក្កដា ថា កម្ពជាជារដ្ឋភាគី នៃអនុសញ្ញាមីនអន្តជាតិអូតាវ៉ា ហើយបានចូលរួមយ៉ាងសកម្មក្នុងការអនុវត្តអនុសញ្ញានេះ ប្រកបដោយជោគទាំងឆាកជាតិ និងអន្តរជាតិទាំងមុន និងក្រោយក្លាយខ្លួនជាសមាជិកពេញសិទ្ធក្នុងឆ្នាំ២០០០។

ការបញ្ជាក់នេះ ធ្វើឡើងក្នុងន័យឆ្លើយតបទៅភាគីថៃ ដែលបានចោទ និងទម្លាក់កំហុសលើកម្ពុជាជុំវិញករណីគ្រោះថ្នាក់ដោយគ្រាប់មីន បណ្ដាលឲ្យទាហានថៃម្នាក់ដាច់ជើងម្ខាង និង២នាក់ទៀតរបួសស្រាល កាលពីពេលថ្មីៗ។ ក្រោយគ្រោះថ្នាក់ កាសែតថៃនៅបន្ដចុះផ្សាយដោយស្រង់សម្ដីយោធាថៃថា គ្រាប់មីនដែលបង្ករគ្រោះថ្នាក់នោះ គឺជាគ្រប់មីនថ្មី កប់ដោយទាហានខ្មែរ ហើយគ្រោងប្ដឹងករណីនេះទៅUN ទៀតផង។

ជុំវិញបញ្ហានេះ អគ្គនាយក នៃមជ្ឃមណ្ឌលសកម្មភាពកម្ចាត់មីនកម្ពុជា លោក ហេង រតនា បញ្ជាក់ជា បូរណភាពទឹកដីអ្នកណាអ្នកនោះទទួលខុសត្រូវ។ ជាមួយគ្នានេះលោកក៏បង្ហាញខ្លឹមសារសង្ខេប នៃមាត្រា៥ របស់អនុសញ្ញាមីនអន្តរជាតិអូតាវ៉ា ដូចខាងក្រោម៖

១. រដ្ឋភាគីនីមួយៗមានកាតព្វកិច្ចកម្ទេច ឬធានានូវការកម្ទេចគ្រាប់មីនគ្រប់ប្រភេទប្រឆាំងមនុស្សនៅក្នុងទីតាំងមានមីនស្ថិតនៅក្រោមយុត្ថាធិការ ឬការគ្រប់គ្រង់របស់ខ្លួនឲ្យបានឆាប់តាមដែលអាចធ្វើទៅបាន។ ប៉ុន្តែមិនឲ្យលើសរយៈពេល ១០ឆ្នាំបន្ទាប់ពីបានក្លាយជារដ្ឋភាគីនៃអនុសញ្ញានេះ។

២. រដ្ឋភាគីនីមួយៗត្រូវខិតខំប្រឹងប្រែងគ្រប់លទ្ធភាពដើម្បីកំណត់ទីតាំងទាំងអស់ក្រោមយុត្ថាធិការ ឬការគ្រប់គ្រងរបស់ខ្លួន ដែលបានដឹង ឬសង្ស័យថាមានដាក់គ្រាប់មីនគ្រប់ប្រភេទប្រឆាំងមនុស្ស។ ត្រូវដាក់ផ្លាកសញ្ញាសម្គាល់ព្រំប្រទល់ ពិនិត្យតាមដាន និងការពារដោយព័ទ្ធរបង ឬដោយមធ្យោបាយផ្សេងទៀតនៅគ្រប់ទីតាំងដែលមានគ្រាប់មីនគ្រប់ប្រភេទប្រឆាំងមនុស្ស ដែលស្ថិតនៅក្រោមយុត្ថាធិការ ឬការគ្រប់គ្រងរបស់ខ្លួននោះ ឲ្យបានឆាប់តាមដែលអាចធ្វើទៅបាន ដើម្បីធានាការពារជនស៊ីវិលពីការគ្រោះថ្នាក់ដោយសារគ្រាប់មីនគ្រប់ប្រភេទប្រឆាំងមនុស្ស រហូតដល់គ្រាប់មីនគ្រប់ប្រភេទប្រឆាំងមនុស្សទាំងអស់នោះត្រូវបានកម្ទេចចោល។

ជាក់ស្ដែង បើលោក ហេង រតនា គ្រប់ភាគីជម្លោះបានប្រេីប្រាស់គ្រាប់មីនប្រឆាំងមនុស្សប្រមាណ៤-៦លានគ្រាប់ ហេីយគិតមកដល់ពេលនេះកម្ពុជាបានបោសសម្អាត និងកម្ទេចចោលជាង ១លាន ២សែនគ្រាប់។ ក្នុងនោះមានភាគច្រេីនស្ថិតនៅតំបន់ខាងក្នុងផ្ទៃប្រទេសសម្រាប់បម្រេីសុខសុវត្ថិភាពប្រជាពលរដ្ឋ និងអភិឌ្ឍប្រទេសឡេីងវិញ។

គិតមកដល់ពេលនេះ កម្ពុជាបានបោសសម្អាត និងកម្ទចចោលទាំងគ្រាប់មីននិងគ្រាប់យុទ្ធភណ្ឌមិនទាន់ផ្ទុះបានជាង ៤លាន ៤៦មុឺនគ្រាប់៕

អត្ថបទ៖ សំណាង