Sam Smith បញ្ចេញបទចម្រៀងថ្មីបញ្ចូលអារម្មណ៍កម្សត់ខ្លាំង!

2017-11-01 08:29:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Sam Smith ត្រូវបានគេចាត់ទុកថាជាតារាចម្រៀងម្នាក់ដែលតែងតែធ្វើឲ្យអ្នកស្ដាប់ចម្រៀងខ្លួន ស្រក់ទឹកភ្នែកជាញឹកញាប់។

ថ្មីៗនេះលោកទើបតែបានបញ្ចេញបទចម្រៀងថ្មីមួយបទទៀតគឺ "Burning” ដែលជាបទចម្រៀងនិយាយពីស្នេហាបែកបាក់ជាមួយនឹងសំឡេងព្យ៉ាណូ ដែលមានអត្ថន័យកម្សត់មិនចាញ់បទមុនៗនោះឡើយ។

ក្នុងកិច្ចសម្ភាសន៍មួយជាមួយ BBC Radio's MistaJam ម្ចាស់បទ "Stay With Me” រូបនេះបាននិយាយថាបទចម្រៀងថ្មី "Burning” គឺជាបទដែលលោកធ្លាប់ឆ្លងកាត់និងមានអត្ថន័យចំពោះលោកបំផុត ដែលបានតែងនិពន្ធឡើង។

Sam បានបន្តថា៖ "ខ្ញុំធ្លាប់បានឆ្លងកាត់ពេលដ៏អាក្រក់មួយឆ្នាំមុន។ ខ្ញុំរស់នៅទីក្រុង London ហើយខ្ញុំបានឆ្លងកាត់ការបែកបាក់ស្នេហាមួយ។ ខ្ញុំបានប្រឈមមុខនូវការបែកបាក់នោះក្នុងផ្លូវមួយដែលមិនល្អ គឺដូចជាដើរលេងច្រើនខ្លាំងជាដើម។ ពេលនោះខ្ញុំប្រៀបដូចជាកំពុងឆេះ (Burning) អញ្ចឹងដែរ។"

ហេតុដូច្នេះហើយទើបលោកបញ្ចូលអារម្មណ៍ទាំងស្រុងទៅក្នុងបទចម្រៀងនេះ ដែលធ្វើឲ្យអត្ថន័យ និងការបកស្រាយគឺពិតជាពោរពេញទៅដោយមនោសញ្ចេតនា៕

ចង់ដឹងច្បាស់មកស្ដាប់បទនេះទាំងអស់គ្នា៖