វិធីសាស្ត្របន្តជំហានទៅមុខដើម្បីសម្រេចក្ដីសុបិន ពេលជួបការលំបាក
- 2017-11-06 06:36:23
- ចំនួនមតិ 0 | ចំនួនចែករំលែក 0
វិធីសាស្ត្របន្តជំហានទៅមុខដើម្បីសម្រេចក្ដីសុបិន ពេលជួបការលំបាក
ចន្លោះមិនឃើញ
មនុស្សភាគច្រើនប្រឹងសម្រេចក្ដីសុបិនខ្លួន ប៉ុន្តែអ្នកខ្លះបែរជាបរាជ័យ ឬចុះចាញ់ពេលជួបបញ្ហាលំបាកនៅពាក់កណ្ដាលទី។ អ្នកខ្លះស្ទើរតែជោគជ័យទៅហើយ ប៉ុន្តែពួកគេចុះចាញ់មុនឱកាសបន្ដិច។ ហេតុនេះ ទើបមានសំនួរពេញនិយមមួយថា “តើគួរធ្វើដូចម្ដេចទើបអាចបន្តជំហានទៅមុខពេលជួបគ្រាលំបាក និងធ្វើដូចម្ដេចទើបអាចសម្រេចក្ដីសុបិនបាន?”
១. ស្រមៃ៖ សូមស្រមៃរូបភាពដែលអ្នកអាចប្រឈមនឹងការលំបាក និងគ្រប់ពេលដែលអ្នកចង់ចុះចាញ់ តែអ្នកនៅតែជ្រើសយកជំហានទៅមុខ ធ្វើការតស៊ូជាមួយបញ្ហានោះ។ តើអ្នកនឹងនិយាយជាមួយខ្លួនឯងដូចម្ដេចពេលជួបឧបសគ្គលំបាក? វាមិនមែនជាការស្រមៃតែរូបភាពជោគជ័យទេ តែជាការស្រមៃរូបភាពដែលអ្នកប្រឹងប្រែងជំរុញខ្លួនឯងក្នុងគ្រាលំបាករហូតទទួលបានជោគជ័យ។ ការស្រមៃបែបនេះនឹងបណ្ដុះកម្លាំងចិត្ដពេលអ្នកជួបបញ្ហាលំបាក។
២. ស្រាវជ្រាវ៖ ចូរស្រាវជ្រាវរកគំរូ ឬបុគ្គលដែលមានក្ដីសុបិនដូចអ្នក និងដើរគន្លងនោះមុនអ្នក ហើយរៀនសូត្រពីពួកគេទាំងជោគជ័យ បរាជ័យ ការរកឃើញ និងបទពិសោធន៍ពួកគេ ដើម្បីបញ្ចៀសការខាតពេលនិងកម្លាំង និងមិនចាំបាច់ដើរផ្លូវខុសដែលមានជាគំរូរួចហើយ តែសូមកុំខ្លាចបរាជ័យអី។
៣. ធ្វើសកម្មភាព៖ ដំណើររាប់យោជន៍ផ្ដើមពីជំហានដំបូង។ អ្នកចាំបាច់ត្រូវធ្វើសកម្មភាពជារៀងរាល់ថ្ងៃដើម្បីរំកិលឱ្យកាន់តែជិតក្ដីសុបិនអ្នក។ បុគ្គលជោគជ័យមិនបានពឹងលើសំណាងទេ តែពួកគេប្រឹងធ្វើសកម្មភាពរាល់ថ្ងៃជាច្រើនឆ្នាំឆ្នាំដើម្បីឱ្យក្ដីសុបិនជោគជ័យ។ ពួកគេឱ្យតម្លៃការតស៊ូ និងមិនរអ៊ូរទាំចំពោះការខំប្រឹងប្រែងរបស់ខ្លួនទេ។
៤. សហគមន៍៖ អ្នកត្រូវមានក្រុមមនុស្សដែលប្ដេជ្ញាចិត្ដមុតមាំ វិជ្ជមាន និងវៃឆ្លាតជុំវិញអ្នក ដើម្បីអាចផ្ដល់យោបល់និងលើកទឹកចិត្ដអ្នក។ បើអ្នកមិនទាន់មានក្រុមមនុស្សបែបនោះទេ សូមផ្ដើមប្រមូលផ្ដុំទៅ។ ការតាំងចិត្ដទទួលយោបល់មានប្រយោជន៍ពីមនុស្សដែលនៅលើផ្លូវតែមួយជាមួយអ្នក នឹងបន្ដក្ដីសុបិនអ្នកឱ្យនៅរស់រវើក៕