ទិដ្ឋភាពខ្លោចចិត្ត ព្យុះដំរីវាយប្រហារភូមិអ្នកនេសាទវៀតណាម

2017-11-08 03:59:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនេសាទក្នុងខេត្ត Khanh Hoa ភាគខាងត្បូងវៀតណាមបានសល់តែដៃទទេ បន្ទាប់ពីព្យុះទីហ្វុងដំរីដ៏ខ្លាំងក្លាបានបោកបក់កាត់តំបន់ពួកគេរស់នៅ។

ព្យុះដំរីបានធ្វើឲ្យមានភ្លៀងធ្លាក់ដូចគេហែកមេឃ និងបាក់ដី កាលពីថ្ងៃសុក្រសប្ដាហ៍មុនជាមួយល្បឿនខ្យល់ ៩០គីឡូម៉ែត្រក្នុងមួយម៉ោង ដោយត្រូវគេចាត់ទុកជាព្យុះខ្លាំងបំផុតប្រចាំតំបន់ក្នុងរយៈពេល ២ទសវត្សរ៍ចុងក្រោយនេះ។

គិតនៅត្រឹមថ្ងៃអង្គារទី ៧ វិច្ឆិកា ម្សិលមិញ ចំនួនអ្នកស្លាប់បានកើនដល់ ៦៩នាក់ក្នុងនោះមាន ២៧នាក់រស់នៅខេត្ត Khanh Hoa។ ក្រៅពីចំនួនអ្នកស្លាប់ដ៏ច្រើនខាងលើ នៅមានមនុស្សជាង ៣០នាក់ផ្សេងទៀតកំពុងបាត់ខ្លួនផ្ទះ ១ ៤៨៤ខ្នងខ្ទេចរាប ជិត ១២ម៉ឺនខ្នងបានខូចខាតមានតិច មានច្រើន និងលិចលង់។

ភូមិអ្នកនេសាទជាច្រើនក្នុងស្រុក Van Ninh បានទទួលរងការខូចខាតអស់ជាច្រើនតាំងពីផ្ទះសម្បែង រហូតដល់ទូក និងកប៉ាល់នេសាទ។ យោងទៅតាមអាជ្ញាធរអះអាងថា មានកប៉ាល់ ៨៥% បានរងការបំផ្លាញ ក្នុងនោះមានកប៉ាល់ ៥០% ត្រូវបំផ្លាញខ្ទេច ដំណើរការលែងបាន។

ចំណែកក្នុងឃុំ Van Phuoc ក្នុងស្រុកខាងលើ កប៉ាល់ជាង ១០០គ្រឿងចតចោលតាមឆ្នេរត្រូវបានព្យុះបំផ្លាញគ្មានសល់ ហើយ ៨គ្រឿងបានលិចក្នុងសមុទ្រ៕ ទស្សនាទិដ្ឋភាពខាងក្រោម៖