Taylor Swift មានអារម្មណ៍យ៉ាងណាពេល Justin Bieber និង Selena Gomez ត្រូវគ្នាវិញ?

2017-11-10 06:56:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Taylor Swift គឺជាមិត្តជិតស្និទ្ធម្នាក់របស់ Selena Gomez ក៏ប៉ុន្តែនាងមិនពេញ Justin Bieber ទាល់តែសោះ។

ដោយសារតែ Selena តែងតែខូចចិត្តនិងមានរឿងរ៉ាវមិនល្អកើតឡើងជាច្រើនដោយសារតែទាក់ទងនឹង Justin អស់រយៈពេលជាច្រើនឆ្នាំមកនេះ ធ្វើឲ្យ Taylor មិនពេញចិត្តនឹងទង្វើនេះហើយ។ Taylor គឺជាមនុស្សម្នាក់ដែលមិនគាំទ្រស្នេហាពួកគេ នឹងមិនចង់ឲ្យទំនាក់ទំនងនេះកើតឡើងម្ដងទៀត។

កាលពីឆ្នាំ ២០១៣ ក្នុងកម្មវិធី Billboard Music Awards គេសង្កេតឃើញ Taylor លានអណ្ដាតលក្ខណៈខ្ពើមរអើមនឹង Selena និង Justin ខណៈដែលពួកគេកំពុងតែថើបគ្នា។

ហេតុដូច្នេះហើយទើបពេលមួយ Justin បានបង្ហោះរូបខ្លួននិយាយ Facetime ជាមួយ Kayne West ហើយសរសេរថា "Taylor Swift What up?” ចំពេលដែល Taylor កំពុងមានជម្លោះជាមួយតារារ៉េបម្នាក់នោះ។ នេះជាទង្វើឌឺដងចំៗតែម្ដង។

ថ្មីៗនេះមានប្រភពមួយបានបញ្ជាក់ Hollywood Life ថា៖ "Taylor តែងតែឆ្លងកាត់បញ្ហានេះជាមួយ Selena ដោយសារ Selena តែងតែស្រក់ទឹកភ្នែកដោយសារ Justin ហើយ Taylor នៅតែព្យាយាមប្រាប់នាងមិនឲ្យត្រលប់ទៅរកសង្សារចាស់។ Taylor មិនពេញចិត្ត Justin ប៉ុន្តែនាងមិនអាចចាត់ទុក Selena ជាកូនក្មេងរហូតនោះទេ។ Taylor យល់ថា Selena ជាមនុស្សពេញវ័យនិងមានសិទ្ធសម្រេចចិត្តខ្លួនឯងបានហើយ។ ទោះបីជានាងមិនពេញចិត្តនិងសេចក្ដីស្នេហានេះ ប៉ុន្តែទំនាក់ទំនងមិត្តភ័ក្ដិរបស់នាងនិង Selena នៅតែល្អដូចដើម។"