អាល់ប៊ុម Taylor Swift ថ្មី បែកធ្លាយមួយថ្ងៃមុនបញ្ចេញផ្លូវការ

2017-11-10 03:57:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលដែលអាល់ប៊ុមថ្មីរបស់ Taylor Swift គឺ "Reputation” នឹងចេញលក់ជាផ្លូវការនៅថ្ងៃសុក្រសប្ដាហ៍នេះ កាលពីយប់មិញបទចម្រៀងទាំងស្រុងក្នុងអាល់ប៊ុមថ្មីត្រូវគេចែកចាយគ្នាស្ដាប់យ៉ាងគគ្រឹកគគ្រេងលើ Internert ជាពិសេសបណ្ដាលឲ្យមានភាពភ្ញាក់ផ្អើលជាខ្លាំងលើបណ្ដាញសង្គម Twitter។

អ្នកគាំទ្រជាច្រើនបានបង្ហាញអារម្មណ៍ខឹងសម្បារ ក៏ដូចជាមិនពេញចិត្តចំពោះការបែកធ្លាយនេះ ខណៈឯអ្នកខ្លះទៀតទប់អារម្មណ៍មិនបានចង់តែស្ដាប់មុនពេលអាល់ប៊ុមដាក់លក់ជាផ្លូវការ។

អ្នកគាំទ្រម្នាក់បានបង្ហោះសារលើបណ្ដាញសង្គម Twitter ថា៖ "ចំពោះអ្នកគាំទ្រ Taylor Swift ដែលព្យាយាមធ្វើឲ្យបែកធ្លាយអាល់ប៊ុម Reputation, គួរតែឈប់ហើយគិតមើលសិនថាហេតុអ្វីបានជាអ្នកព្យាយាមបំផ្លាញឱកាសនាងក្នុងការលក់អាល់ប៊ុមឲ្យបានច្រើន? ប្រសិនជាអ្នកស្រលាញ់នាងកុំធ្វើដូច្នេះអី។ វាពិតជាគ្មានការគោរពចំពោះនាងទាល់តែសោះ។"

មិនត្រឹមតែប៉ុណ្ណោះក៏មានអ្នកលេងបណ្ដាញសង្គមជាច្រើនដេញដោលពីបញ្ហានេះផងដែរ។ ម្យ៉ាងវិញទៀត Taylor ទើបតែបង្ហាញពីចំណងជើងបទចម្រៀងទាំងអស់ក្នុងអាល់ប៊ុមថ្មីនេះមុននឹងត្រូវដាក់លក់នៅថ្ងៃសុក្រនេះ(ម៉ោងនៅសហរដ្ឋអាមេរិក)។

អាល់ប៊ុម Tracklist

គិតមកត្រឹមពេលនេះនាងបានបញ្ចេញបទចម្រៀងចំនួន ៤ បទហើយ គឺ "Look What You Made Me Do” និង "...Ready For It?” ដែលទាំងពីរបទនេះមានវីដេអូចម្រៀង និងបទ "Gorgeus”, “Call It What You Want”។

Taylor Swift គឺជាតារាចម្រៀងម្នាក់ដែលតែងតែមានលទ្ធផលល្អចំពោះការលក់អាល់ប៊ុមគ្រប់ពេលនាងមានអាល់ប៊ុមថ្មី។ អាល់ប៊ុមមុនៗទាំងបីរបស់នាងគឺ "1989”, “Red” និង "Speak Now” សុទ្ធតែលក់បានជាង ១លានដុំក្នុងរយៈពេលមួយសប្ដាហ៍ដំបូង៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ