ជើងខ្លាំងមួយក្រុម Jailbreak ប្រព័ន្ធសុវត្ថិភាព iPhone X បានសម្រេច

2017-11-12 06:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការងារ Keen Lab លោក Liang Chen បានបង្ហាញជាសាធារណៈពីភាពជោគជ័យនៃការ Jailbreak លើ iPhone X ដែលជាស្មាតហ្វូនជំនាន់ចុងក្រោយរបស់ Apple នាព្រឹត្តិការណ៍ POC2017។

សន្និសីទប្រព័ន្ធសុវត្ថិភាព

សន្និសីទប្រព័ន្ធសុវត្ថិភាពរៀបចំឡើងដោយក្រុមអ្នកជំនាញផ្នែកការពារសុវត្ថិភាពនិងលុកលុយ (Hacker) របស់កូរ៉េ បើកដំណើរការចាប់ពីថ្ងៃទី ៩-១០ វិច្ឆិកាឆ្នាំ ២០១៧ ក្នុងទីក្រុងសេអ៊ូល។

Vangelis អ្នករៀបចំសន្និសីទ POC បានបង្ហោះវីដេអូនៃការថ្លែងរបស់លោក Chen ជុំវិញការ Hack ចូលប្រព័ន្ធសុវត្ថិភាព iPhone X បានដោយជោគជ័យ។

ថ្វីបើ Keen Lab មិនមានគម្រោងថានឹងបើកឲ្យមានកម្មវិធី Jailbreak ជាសាធារណៈក្នុងពេលណាក្ដី ប៉ុន្តែគេសង្ឃឹមថាក្រុម Hacker ឯទៀត នឹងមើលឃើញពីសមិទ្ធផលនេះ ដែលជាការត្រួសត្រាយផ្លូវឲ្យពួកគេបញ្ចេញនូវកម្មវិធីពិសេសណាមួយក្នុងពេលឆាប់ៗ។

បញ្ជាក់៖ អ្នកអាចចូលទៅទស្សនាវីដេអូនៅខាងក្នុងប្រភពខាងក្រោម៕