Google ចេញមុខងារថ្មី ជួយប្រាប់ផ្លូវដែលមិនសូវស្ទះ

2017-11-13 02:02:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីសម្រួលដល់ការប្រើប្រាស់ និងធ្វើឲ្យកាន់តែទំនើបក្នុងកម្មវិធីផែនទី (Map) Google បានបន្ថែមនូវមុខងារបង្ហាញស្ថានភាពស្ទះ ឬមិនស្ទះការមហាវិថី ក៏ដូចជាតាមដងផ្លូវនានាដែលអ្នកគ្រប់គ្នាអាចចូលទៅមើលយ៉ាងងាយស្រួល និងមិនគិតថ្លៃ។

ពណ៌បៃតងខ្ចី មានន័យថាស្ថានចរាចរណ៍តាមដងវិថីនោះមានស្ថានភាពអាចធ្វើដំណើរធម្មតា។
ពណ៌ទឹកក្រូច មានន័យថាស្ថានចរាចរណ៍តាមដងវិថីនោះមានស្ថានភាពស្ទះបន្តិចបន្តួច។
ពណ៌ក្រហមស្រាល មានន័យថាស្ថានចរាចរណ៍តាមដងវិថីនោះមានស្ថានភាពស្ទះខ្លាំង។
ពណ៌ក្រហមក្រមៅ មានន័យថាស្ថានចរាចរណ៍តាមដងវិថីនោះមានស្ថានភាពស្ទះខ្លាំង មិនអាចទៅមុខរួច។

ស្ថានភាពចរាចរណ៍រាជធានីភ្នំពេញព្រឹក ១៣ វិច្ឆិកា ២០១៧

ចំពោះទិន្នន័យដែល Google អាចបង្ហាញក្នុងផែនទីថ្មីនេះ គឺទាញយកពីទីតាំងតាមប្រព័ន្ធ GPS ក្នុងស្មាតហ្វូនរបស់អ្នកប្រើប្រាស់ ហើយកាន់តែច្បាស់ គឺទាញចេញពីស្មាតហ្វូនដែលមានប្រើប្រាស់មុខងារផែនទីរបស់ Google។

មុខងារផែនទីស្ថានភាពចរាចរណ៍នេះត្រូវអាប់ដេតព័ត៌មានជារៀងរាល់ម៉ោង និងរៀងរាល់ថ្ងៃ ហើយបច្ចុប្បន្នកំពុងដំណើរការក្នុងប្រទេសជាង ៥០ ជុំវិញពិភពលោក ខណៈប្រទេសកម្ពុជាក៏អាចប្រើប្រាស់មុខងារថ្មីនេះដែរ៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត៖

ប្រភព៖ Driving Directions and Maps ប្រែសម្រួល៖ រដ្ឋ