គឹម វាសនា៖ ថាខ្លួនឈ្នះ រិន សារ័ត្ន ទឹកទី១ជាការសំណាង

2017-11-13 02:52:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករមកពីក្លឹបប្រដាល់ឆ័ត្រយោង៩១១ គឺម វាសនា ថា ឈ្នះជើងខ្លាំង រិន សារ័ត្ន នៅទឹកទី១កាលពីថ្ងៃសៅរ៍កន្លងទៅនេះអាចថាជាការសំណាងនោះទេ ព្រោះធ្លាប់ជួបគ្នាម្ដងហើយចាញ់ឈ្នះតឹងតែងណាស់។

គឹម វាសនា

កីឡាករ គឹម វាសនា បានឲ្យដឹងថា មុនពេលឡើងប្រកួតជាមួយអ្នកប្រដាល់ រិន សារ័ត្ន គេគិតថាពិតជាពិបាកនឹងឈ្នះជើងខ្លាំងម្នាក់នេះ ព្រោះជាកីឡាករល្អគ្រប់ក្បាច់ ហើយថែមទាំងរឹងមាំទៀតផង។ កាលជួបគ្នាលើកដំបូង វាពិតជាពិបាកសម្រាប់រូបគេខ្លាំង ទម្រាំអាចយកឈ្នះកូនសិស្សលោក អេ ភូថង ម្នាក់នេះគឺឈ្នះទាំងពិបាក។ ការឈ្នះលើកទី២នេះ អាចថាមកពី រិន សារ័ត្ន ប្រហែសដាក់ជើងឲ្យរូបគេទាត់បានស្រួលពេក ទើបខួចជើងមិនអាចប្រកួតទៀតបានដូចនេះ។

កីឡាករ រិន សារ័ត្ន

សិស្សប្អូន ឡៅ ស៊ីណាត រូបនេះបន្តថា បើនិយាយពីការហ្វឹកហាត់មុនប៉ះ រិន សារ័ត្ន វិញ «វាសនា» ហ្វឹកហាត់រៀងរាល់ថ្ងៃតែម្ដង ណាមួយបានការយកចិត្តទុកដាក់ពីលោកគ្រូ ហង់ សឿន រួមនិងសិស្សច្បង ដូចជា អ៊ុង វិរៈ ព្រំ សំណាង ហើយនៅពេលត្រលប់មកផ្ទះឆ្លៀតហាត់បន្ថែមទៀត ដូច្នេះការប្រកួតមួយនេះ គេត្រៀមខ្លួនបានល្អទើបទទួលបានលទ្ធផលឈ្នះបែបនេះ។

កីឡាករ គឹម វាសាន ខៀវ

គឹម វាសនា ជាកីឡាករមកពីក្លឹបប្រដាល់ឆ័ត្រយោង ៩១១ ប្រកួតចុងក្រោយទាត់ជើងអ្នកប្រដាល់ រិន សារ័ត្ន ឲ្យខូចនិងបោះបង់ការប្រកួតនៅទឹកទី១ នាសង្វៀន TV5 Knock Out Series By Kcement ហើយឡើងទៅជុំទី៣នៃកម្មវិធីដណ្ដើមរង្វាន់មួយនេះបន្តទៀត៕

អត្ថបទ៖ នួន ស៊ីណា