យល់ដឹងពី ISO Sensitivity ដើម្បីថតរូបមិនឲ្យងងឹត ឬភ្លឺពេក

2017-11-14 03:27:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ការថតរូបផ្អែកលើធាតុបីនៃ Exposure រួមមាន Shutter speed, Aperture និង Sensitivity។ Shutter speed និង Aperture គ្រប់គ្រងលើចំនួនពន្លឺចូលកាមេរ៉ា។ រីឯចំនួនពន្លឺប៉ុន្មានត្រូវការកំណត់ដោយ Sensitivity។ Sensitivity មានការបង្ហាញក្នុងបែបបទផ្សេងគ្នា ដែលបច្ចុប្បន្នគឺ ISO។ កម្រិត ISO មានពី ២០០ ដល់ ១ ៦០០ ហើយកាមេរ៉ាទំនើបៗនាពេលបច្ចុប្បន្នអាចមានកម្រិតទាបដល់ទៅ ៥០ និងខ្ពស់ដល់ ២០៤,៨០០។ ចំនួនតួលេខដែលបានជ្រើសរើសមានទាក់ទងនឹងគុណភាពពីរសំខាន់។

ទីមួយ៖ វាកំណត់ចំនួនពន្លឺត្រូវការសម្រាប់ Exposure ល្អមួយ។ ចំនួនកាន់តែទាប ពន្លឺកាន់តែច្រើននឹងត្រូវការ។ ចំនួនពន្លឺកាន់តែច្រើនត្រូវការ Shutter speed កាន់តែយឺត។ នេះមានន័យថា កម្រិត ISO ទាបដូចជា ១០០ ឬ ២០០ ភាគច្រើនប្រើពេលស្ថានភាពមានពន្លឺថ្ងៃ ឬពេលកាមេរ៉ាភ្ជាប់លើ Tripod។ ប្រសិនបើអ្នកមិនមានពន្លឺច្រើន ឬត្រូវការប្រើ Shutter speed ល្បឿនលឿន អ្នកប្រហែលជាត្រូវការដំឡើង ISO។

ប្រសិនបើអ្នកប្រើ Shutter speed 1/250 នៅកម្រិត ISO ២០០ ហើយបង្កើនដល់កម្រិត ISO ៤០០ នោះអ្នកនឹងទទួលបាន Exposure ដូចគ្នានៅកម្រិត 1/500 sec។ ដូច្នេះកម្រិត ISO ខ្ពស់ភាគច្រើនប្រើនៅខាងក្នុង ដូចជាផ្ទះជាដើម ជាពិសេសព្រឹត្តិការណ៍កីឡា។ ប្រសិនបើអ្នកចង់បង្កកសកម្មភាពដោយប្រើ Shutter speed លឿន នោះកម្រិត ISO គួរតែ ១ ៦០០ ឬខ្ពស់ជាងនេះ។

ទីពីរ៖ ទាក់ទងនឹងគុណភាពចំពោះ ISO ដែលចំនួន Noise អាចកើតមានលើរូបភាព។ ពេលអ្នកប្រើតម្លៃ ISO ខ្ពស់ លទ្ធភាពកើតមាន Noise លើរូបភាពកាន់តែច្រើន។ យ៉ាងណាមិញកាមេរ៉ាបច្ចុប្បន្នអាចបង្កើតរូបភាពមានគុណភាពល្អកម្រិត ISO ដល់ទៅ ១ ៦០០ ឬខ្ពស់ជាងនេះ។ កត្តាមួយទៀត ដែលជំរុញឲ្យមាន Noise លើរូបភាពគឺ ទំហំ Pixels ប្រើលើ Sensor។ Pixels កាន់តែធំ លទ្ធភាពកើតមាន Noise កាន់តែតិច។ នេះជាហេតុផល កាមេរ៉ា DSLR ដំណើរការល្អនៅកម្រិត ISO ខ្ពស់ ជាងកាមេរ៉ាធម្មតា ដោយសារ DSLR មាន Sensor ធំ និង Pixels ធំ។

អ្នកថតរូបភាគច្រើនព្យាយាមរក្សាការប្រើប្រាស់ ISO ឲ្យនៅកម្រិតទាបសម្រាប់រក្សាគុណភាពរូបភាព ប៉ុន្តែអ្នកប្រហែលជាត្រូវការប្រើ Shutter speed លឿនដើម្បីឲ្យរូបភាពច្បាស់។ អ្នកក៏អាចប្រើមុខងារ Auto ISO លើកាមេរ៉ា ដោយជួយផ្ដល់នូវតម្លៃមួយមានតុល្យភាព ដោយបង្កើនកម្រិត ISO ពេល Shutter speed យឺតពេក សម្រាប់ធ្វើឲ្យគុណភាពរូបភាពល្អ៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត៖

ប្រភព៖ Nikonusa ប្រែសម្រួល៖ ប៊ុន ធឿន