ឡៅ ចន្រ្ទា សង្ឃឹម៨០% ថាប្អូនប្រុសនឹងឈ្នះនៅសង្វៀន Khmer-Thai Fight

2017-11-14 04:55:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំង ឡៅ ចន្រ្ទា មានទំនុកចិត្តខ្ពស់ដល់ទៅ ៨០% ថាប្អូនប្រុសរបស់ខ្លួន ឡៅ ចិត្រា នឹងទទួលបានជ័យជម្នះលើកម្មវិធីប្រដាល់ដ៏ធំរបស់ប្រទេសថៃ ដែលនឹងប្រព្រឹត្តិទៅប្រនៅពហុកីឡដ្ឋានជាតិនាថ្ងៃទី២៥ វិច្ឆិកា។

កីឡាករ ឡៅ ចន្រ្ទា

ឡៅ ចន្រ្ទា បានឲ្យដឹងថា បច្ចុប្បន្ននេះ ឡៅ ចិត្រា កំពុងហ្វឹកហាត់យ៉ាងសកម្ម ហើយនៅមានពេលវេលាច្រើនសម្រាប់ការត្រៀមឡើងសង្វៀនដ៏ធំរបស់ប្រទេសថៃមួយនេះ។ ចន្រ្ទា មានទំនុកចិត្តខ្លាំងថាប្អូនប្រុសនឹងឈ្នះនៅថ្ងៃទី ២៥ ខាងមុន ព្រោះតាមរយៈការខំប្រឹងប្រែងហ្វឹកហាត់ជាប្រចាំ មិនដែលហ៊ានធ្វេសប្រហែសនោះឡើយ។

ម្ចាស់ខ្សែក្រវាត់គូបូតារូបនេះបន្តថា បើតាមបទពិសោធប្រកួតជាមួយពួកអ៊ឺរ៉ុបនាពេលកន្លងមកគឹគេល្អដៃ ដូចនេះ «ចិត្រា» ត្រូវប្រយ័ត្នចំពោះកណ្ដាប់ដៃឲ្យបានច្រើនបំផុត ហើយក្នុងនាមជាបងប្រុសក៏បានជួយដាស់តឿនជានិច្ចប្អូន និងជួយបង្វឹកដូចជាកាន់ស៊ីប ជួយឡាំ និងបង្រៀនស្នៀតដ៏ទៃទៀតផងដែរ។

កីឡាករ ឡៅ ចិត្រា

ឡៅ ចិត្រា និងដៃគូ

កីឡាករកម្ពុជា ៤រូប ម៉ឺន សុភា ឃីម ឌីម៉ា ពេជ្រ ម្ទេសខ្មាំង ឡៅ ចិត្រា នឹងត្រូវប្រកួតមិត្តភាពអន្តរជាតិលើសង្វៀន Khmer-Thai Fight នៅថ្ងៃទី២៥ ខែវិច្ឆិកា ២០១៧ ក្នុងពហុកីឡដ្ឋានជាតិ។ ចិត្រា ត្រូវប៉ះជាមួយអ្នកលេងកណ្ដាប់ដៃឈ្មោះ Kazbek Alisultanov មកពីប្រទេសរុស្សី ក្នុងប្រភេទទម្ងន់ ៦០គីឡូក្រាម៕

អត្ថបទ៖ នួន ស៊ីណា