ប្រឡងបាក់ឌុបចប់ ដឹងអត់សិល្បករវ័យក្មេងទាំងនេះ បន្តការសិក្សាផ្នែកអ្វី?

2017-11-16 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រឡងសញ្ញាប័ត្រទុតិយភូមិឆ្នាំសិក្សា២០១៧ត្រូវបានបញ្ចប់ ដោយក្នុងនោះមានសិល្បករ សិល្បការិនីវ័យក្មេងជាច្រើនចូលរួម។ សិល្បករខ្លះទទួលបានលទ្ធគាប់ប្រសើរ និងខ្លះទៀតមិនទទួលបានជោគជ័យឡើយ។ ដូច្នេះតើអតីតបេក្ខជនប្រឡងបាក់ឌុបដែលមានជំនាញសិល្បៈទាំងនោះ នឹងសម្រេចផ្លូវជីវិតរបស់ខ្លួនបែបណា បន្ទាប់ពីលទ្ធផលខាងលើ។

១. រ៉េត ស៊ូហ្សាណា

តារាចម្រៀងប្រចាំផលិតកម្ម ហង្សមាស បានសម្រេចចូលរៀននៅសាកលវិទ្យាល័យ Raffles International College លើជំនាញគ្រប់គ្រង។

២. Bobby Stella

តារាសម្ដែងកូនកាត់ ប៊ុលហ្គារី Bobby Stella កំពុងបន្តសិក្សាផ្នែកជំនាញ ទេសចរណ៍ នៅសាកលវិទ្យាល័យភ្នំពេញអន្តរជាតិ។

៣. យូរី

យូរី សមាជិកក្រុមរាំ OMG ដែលទទួលបាននិទ្ទេស D ក្នុងលំដាប់ពិន្ទុ ៨៤,២៦៤ ពេលនេះកំពុងសិក្សាជំនាញគ្រប់គ្រង នៅសាកលវិទ្យាល័យជាតិគ្រប់គ្រង។

៤. ម៉ម ពេជ្ជរិទ្ធ

អ្នកនិពន្ធបទភ្លេង ម៉ម ពេជ្ជរិទ្ធ ធ្លាប់ប្រាប់ Sabay ថាទោះទទួលបានលទ្ធអវិជ្ជមានក្ដី លោកនឹងនៅតែបន្តចូលសិក្សាក្នុងមហាវិទ្យាល័យដូរ្យតន្ត្រី នៅសាកលវិទ្យាល័យភូមិន្ទវិចិត្រសិល្បៈ ដែលនេះជាក្ដីស្រមៃរបស់ខ្លួន។

៥. លីកា

សមាជិកក្រុមរាំ OMG លីកា ដែលមិនទទួលជោគជ័យលើការប្រឡង ប្រាប់ថា សញ្ញាប័ត្រទុតិយភូមិពិតជាសំខាន់ណាស់សម្រាប់មនុស្សម្នាក់ៗ។ ដូច្នេះនាងជ្រើសរើសការរៀនថ្នាក់ទី១២ម្ដងទៀត និងព្យាយាមប្រឡងយកសញ្ញាប័ត្រឲ្យបាននៅឆ្នាំនេះ។ បើទទួលបានលទ្ធផលល្អ នាងខិតខំបន្ថែមទៀតដើម្បីប្រឡងយកអាហារូបករណ៍ទៅសិក្សានៅប្រទេសថៃ ឬសិក្សាក្នុងស្រុក លើជំនាញទេសចរណ៍ ព្រោះនាងមានក្តីស្រមៃចង់ក្លាយជានារីអាកាសចរណ៍៕

ចុចអាន៖

អត្ថបទ៖ សុខណា