ប្រពន្ធកីឡាករ ចាន់ សីហា បង្ហើបថាបានបន់ព្រះសូមឲ្យប្ដីប្រកួតឈ្នះ

2017-11-20 09:32:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រពន្ធកីឡាករគុនខ្មែរ ចាន់ សីហា ប្រាប់រឿងក្នុងចិត្តថា បានបន់ព្រះសូមឲ្យប្ដីទទួលបានជោគជ័យមុនពេលប្រកួតថ្ងៃសៅរ៍ ទី១៨ វិច្ឆិកា ២០១៧ នៅសង្វៀនបាយ័នបឹងស្នោកន្លងទៅនេះ។

អ្នកនាង អ៊ុច សុធា

អ្នកនាង អ៊ុច សុធា បានឲ្យដឹងថា ក្នុងចិត្តមានការព្រួយបារម្ភនៅពេលដែលប្ដីឡើងប្រកួត និងជាពិសេសពេលឃើញគេវ៉ៃត្រូវប្ដី ព្រោះបារម្ភពីសុវត្ថិភាពខ្លាចប៉ះពាល់ ឬមានបញ្ញាអ្វីនៅពេលប្រកួត។ សម្រាប់ការប្រកួតសាជាថ្មីរបស់ប្ដីអ្នកនាងនេះ មានការបារម្ភខ្លាំងថែមទាំងបានបន់ឲ្យតែចប់ការប្រកួត និងសុំឲ្យប្ដីបានឈ្នះការប្រកួតទៀតផង។

បើទោះជាមានការព្រួយបារម្ភចំពោះប្ដីដូចនេះក្ដី តែប្រពន្ធជនជាតិខាងលើនេះមិនបានហាមឃាត់ប្ដីឲ្យបោះបង់វិស័យប្រដាល់គុនខ្មែរឡើយ នឹងផ្ដល់កម្លាំងចិត្តបន្ថែមទៀត ដើម្បីឲ្យ «សីហា» រឹតតែមានទឹកចិត្តហ្វឹកហាត់ និងជោគជ័យក្នុងអាជីពមួយនេះនៅពេលអនាគត។

កីឡាករ ចាន់ សីហា ពេលឈ្នះពានរង្វាន់នៅបាយ័ន

អ្នកនាង អ៊ុច សុធា រៀបការជាមួយកីឡាករគុនខ្មែរ ជនជាតិបារាំង ចាន់ សីហា បានជាងមួយឆ្នាំមកហើយ។ កាលពីថ្ងៃសៅរ៍ ទី១៨ វិច្ឆិកា ២០១៧ នេះ កីឡាករបារាំងរូបនេះប្រកួតឈ្នះជើងខ្លាំង ម៉ានូអ៊ែល ក្នុងកម្មវិធីប្រកួតដណ្ដើមពានរង្វាន់សង្វៀនបាយ័នបឹងស្នោ៕

អត្ថបទ៖ នួន ស៊ីណា