Samsung ឲ្យអ្នកប្រើ iPhone សាកប្រើ Note 8/S8 មួយខែ
- 2017-11-22 02:04:57
- ចំនួនមតិ 0 | ចំនួនចែករំលែក 0
Samsung ឲ្យអ្នកប្រើ iPhone សាកប្រើ Note 8/S8 មួយខែ
ចន្លោះមិនឃើញ
ក្រុមហ៊ុន Samsung បានចាប់ផ្ដើមកម្មវិធីថ្មីមួយឈ្មោះថា “Galaxy Experience Program” នៅក្នុងប្រទេសកូរ៉េខាងត្បូង ជាកម្មវិធីដែលអនុញ្ញាតឲ្យអ្នកប្រើ iPhone សាកល្បងប្រើ Galaxy Note 8 ឬ Galaxy S8 រយៈពេលមួយខែ។
អ្នកប្រើ iPhone នៅកូរ៉េខាងត្បូងដែលមានចំណាប់អារម្មណ៍អាចចុះឈ្មោះចូលរួមក្នុងកម្មវិធីនេះចាប់ពីថ្ងៃទី ២១ ដល់ ២៧ ខែវិច្ឆិកា។ ក្រោយមក Samsung នឹងជ្រើសរើសមនុស្ស ១០ ០០០ នាក់នៅថ្ងៃទី ៣០ វិច្ឆិកា។ អ្នកដែលត្រូវបានជ្រើសរើសនឹងត្រូវធ្វើដំណើរទៅកាន់ Samsung Digital Plaza ចាប់ពីថ្ងៃទី ១ ដល់ ១១ ខែធ្នូ ដើម្បីទិញ Galaxy Note 8 ឬ Galaxy S8។
ការចូលរួមនេះត្រូវចំណាយ ៤៥ ដុល្លារសម្រាប់ថ្លៃចុះឈ្មោះផងដែរ ហើយទឹកប្រាក់នេះនឹងត្រូវប្រគល់ជូនវិញប្រសិនបើអតិថិជនសម្រេចថានឹងប្រើ Galaxy Note 8 ឬ Galaxu S8 បន្តទៀត។ យ៉ាងណាក្ដី បើអតិថិជនសម្រេចថាយកស្មាតហ្វូនទៅឲ្យក្រុមហ៊ុនវិញ នោះគេនឹងទទួលបានទឹកប្រាក់ដែលចំណាយលើការទិញស្មាតហ្វូនត្រឡប់មកវិញ ហើយថ្លៃចុះឈ្មោះក្រុមហ៊ុននឹងរក្សាទុក។
ការចាប់ផ្ដើមកម្មវិធីនេះធ្វើឡើងបន្ទាប់ពី iPhone X របស់ Apple បានចេញលក់ជាផ្លូវការក្នុងប្រទេសកូរ៉េខាងត្បូង៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
ចុចអាន៖
អ្នកផលិតរូប Wallpaper របស់ Windows XP បញ្ចេញស្នាដៃថ្មីសម្រាប់ស្មាតហ្វូន
គូប្រជែង Galaxy S9 Mini ត្រៀមលេចមុខដំណាលគ្នានៅដើមឆ្នាំក្រោយ