ផ្លែឈើ ៤ប្រភេទជួយបញ្ចុះសម្ពាធឈាម ល្អបំផុតសម្រាប់អ្នកមានជំងឺ
- 2017-11-23 04:54:18
- ចំនួនមតិ 0 | ចំនួនចែករំលែក 0
ផ្លែឈើ ៤ប្រភេទជួយបញ្ចុះសម្ពាធឈាម ល្អបំផុតសម្រាប់អ្នកមានជំងឺ
ចន្លោះមិនឃើញ
របាយការណ៍ស្ដីពីសុខភាពពិភពលោក បានឲ្យដឹងថាក្នុងចំណោមមនុស្សពេញវ័យ ៣ នាក់ យាងហោចណាស់មានមនុស្សពេញវ័យម្នាក់បានកើតជំងឺលើសឈាម។ ជំងឺនេះអាចនាំឲ្យមានផលវិបាកជាច្រើនដូចជា ជំងឺបេះដូង ជំងឺដាច់សរសៃឈាមខួរក្បាល ឬជំងឺខ្សោយតម្រងនោមជាដើម។ ដូច្នេះហើយអ្នកគួរតែញ៉ាំផ្លែឈើទាំង ៤ប្រភេទខាងក្រោមនេះដើម្បីជួយបញ្ចុះសម្ពាធឈាម ៖
១. ផ្លែទទឹម
ផ្លែទទឹមមានផ្ទុកសារជាតិប្រឆាំងអុកស៊ីតកម្មនិងមានលក្ខណៈប្រឆាំងនឹងការរលាកផងដែរ។ វាមិនត្រឹមតែជួយបន្ថយសម្ពាធឈាមនោះទេ ប៉ុន្តែក៏អាចជួយបន្ថយហានិភ័យនៃជំងឺសរសៃឈាមបេះដូងផងដែរ។ អ្នកស្រាវជ្រាវនៅសាកលវិទ្យាល័យ Queen Margaret បានឲ្យដឹងថាអ្នកដែលបានផឹកទឹកទទឹម ៥០០មីលីលីត្រក្នុងមួយថ្ងៃ អាចបញ្ចុះសម្ពាធឈាមគួរឲ្យកត់សំគាល់។
២. ផ្លែចេក
ផ្លែចេកសម្បូរប៉ូតាស្យូម ដែលជួយកាត់បន្ថយផលប៉ះពាល់នៃសូដ្យូមទៅលើរាងកាយរបស់អ្នក។ ការទទួលទានអាហារដែលមានសូដ្យូមច្រើនដូចជា ឈីស ជ្រក់ត្រសក់ និងអាហារសម្រន់ អាចបណ្ដាលអោយសម្ពាធឈាមរបស់អ្នកឡើងខ្ពស់ ដូចនេះជាតិប៉ូតាស្យូមនៅក្នុងផ្លែចេកអាចជួយបំបាត់ជាតិសូដ្យូមដែលលើសបាន។
៣. ផ្លែប៊ឺរី
តាមការសិក្សាមួយរបស់គ្លីនិក American Journal ឲ្យដឹងថាអ្នកដែលញ៉ាំផ្លែស្រ្តប៊ឺរី និងប៊្លូប៊ឺរីច្រើនអាចបញ្ចុះសម្ពាធឈាមបានច្រើនជាងអ្នកដែលញ៉ាំផ្លែប៊ឺរីតិច ដោយសារតែផ្លែប៊ឺរី មានផ្ទុកសារជាតិ flavonoids ដែលអាចបញ្ចុះសម្ពាធឈាម។
៤. ផ្លែប៉េងប៉ោះ
ប៉េងប៉ោះសម្បូរដោយសារធាតុលីកូពីន និងប៉ូតាស្យូមដែលជួយបន្ថយសម្ពាធឈាម។ យោងតាមការសិក្សាមួយដែលធ្វើឡើងដោយសាកលវិទ្យាល័យ Adelaide បានឱ្យដឹងថាការទទួលទានលីកូពីន ២៥ មីលីក្រាមឬច្រើនជាងនេះក្នុងមួយថ្ងៃ អាចជួយបន្ថយកម្រិតកូឡេស្តេរ៉ុលរបស់អ្នក ហើយបន្ថយហានិភ័យនៃជំងឺលើសឈាម។
ចុចអានអត្ថបទ៖
អាហារទាំង៥ ជួយពន្លឿនការរំលាយអាហារ ល្អបំផុតសម្រាប់សុខភាព
អាហារ ៦ប្រភេទ ល្អបំផុតសម្រាប់អ្នកឈឺក្រពះស្ទើររាល់ថ្ងៃ