តិចនិក ៥ ក្បាច់ ជួយការ Selfie ឲ្យកាន់តែទាក់ទាញ
- 2017-11-27 01:58:50
- ចំនួនមតិ 0 | ចំនួនចែករំលែក 0
តិចនិក ៥ ក្បាច់ ជួយការ Selfie ឲ្យកាន់តែទាក់ទាញ
ចន្លោះមិនឃើញ
ការថតរូប Selfie ដែលរាល់អ្នកប្រើប្រាស់ស្មាតហ្វូន ក៏ដូចជាកាមេរ៉ាមួយចំនួនតែងតែធ្វើ ព្រោះមិនតម្រូវបច្ចេកទេសច្រើន។ ដោយឡែកដើម្បីថតរូបប្រភេទ Selfie ឲ្យកាន់តែទាក់ទាញបន្ថែមទៀតនោះ គឺប្រិយមិត្តអាចធ្វើតាមនូវតិចនិកទាំង ៥ ខាងក្រោមនេះ។
១. ប្រើមុំពីលើ
ពេលអ្នកកាន់កាមេរ៉ាស្ថិតនៅកម្រិតភ្នែក ឬក្រោមនោះ គឺបង្កើនឱកាសថតងើយឃើញចង្កាច្បាស់ ដែលជាសត្រូវទីមួយនៃការថតរូប Selfie ដូច្នេះពេលអ្នកថត គួរកាន់កាមេរ៉ាងើយពីលើ រួចបង្វែរមុំមកចំមុខ។
២. ប្រើមុខងារ Self-timer
ពេលអ្នកចុចថតកាមេរ៉ា កំឡុងពេល Selfie អាចមានការរង្គើដល់កាមេរ៉ា ហើយរូបភាពមិនបានបង្ហាញដូចអ្នកចង់បាន ដូច្នេះ អ្នកអាចប្រើមុខងារ Self-timer លើកាមេរ៉ា ដែលអ្នកមានពេល ១ ឬ ២ វិនាទី ក្រោយចុចថតក្នុងការរៀបចំខ្លួនមើលទៅកាន់ Lens កាមេរ៉ា ហើយជៀសវាងការរង្គើបាន។ ចំពោះស្មាតហ្វូនមួយចំនួនក៏មានមុខងារ និងការកំណត់ដូចគ្នា។
៣. ប្រើភ្លើង Flash ជំនួយ
ប្រសិនបើអ្នកមិនមាន iPhone 6S ឬទូរសព្ទដែលមាន LED បំភ្លឺមុខនោះ អ្នកត្រូវការវិធីមួយ ដើម្បីបំភ្លឺមុខអ្នក ជាពិសេសពេលថតនៅខាងក្នុងផ្ទះ ឬទីកន្លែងមានពន្លឺមិនគ្រប់គ្រាន់។ អ្នកប្រើប្រាស់ Android អាចប្រើកម្មវិធី Selfie Light ដែលបំភ្លឺពន្លឺពីអេក្រង់។ មួយវិញទៀត រាល់អ្នកប្រើប្រាស់ អាចប្រើឧបករណ៍ LED fill light ដែលដោតភ្ជាប់ទៅនឹងរន្ធដោតកាសរបស់ទូរសព្ទ។ អ្នកក៏អាចបង្វិល LEDs ទៅក្រោយ ដើម្បីបន្ថែមពន្លឺទៅកាន់រូបភាពថតដោយកាមេរ៉ាក្រោយផងដែរ។
៤. ធ្វើឲ្យងាយស្រួលកាន់ទូរសព្ទ
អ្នកអាចប្រើឧបករណ៍ភ្ជាប់នឹងខ្នងទូរសព្ទ ក្នុងការសូកម្រាមដៃកាន់ទូរស័ព្ទឲ្យមានភាពលំនឹង និងងាយស្រួលក្នុងការថត។
៥. ដាក់ទូរសព្ទផ្អឹបនឹងជញ្ជាំង ឬកញ្ចក់
អ្នកអាចប្រើឧបករណ៍ភ្ជាប់នឹងខ្នងទូរសព្ទ ក្នុងការជប់ជាប់នឹងផ្ទៃរាបស្មើ ដូចជាជញ្ជាំង ឬកញ្ចក់ ដូច្នេះអ្នកអាចទំនេរដៃ ធ្វើស្ទីលផ្សេងៗក្នុងរូបភាពបាន៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទបន្ទាប់