បន្ទាប់ពីគ្រូ Spurs មក បន្តិចទៀត Harry Kane ក៏អាចមានវត្តមាននៅកម្ពុជាដែរ

2017-11-27 02:41:49
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាកររបស់ក្រុម Spurs ជាពិសេស Harry Kane ដែលប្រិយមិត្តស្គាល់គ្រប់គ្នានោះ អាចនឹងមានវត្តមាននៅកម្ពុជា តាមរយៈការអញ្ជើញរបស់ក្រុមហ៊ុន AIA នៅកម្ពុជា ដើម្បីមកចែករំលែកបទពិសោធបាល់ទាត់។

លោក Richard Bates អគ្គនាយកក្រុមហ៊ុន AIA

លោក Richard Bates អគ្គនាយកក្រុមហ៊ុន AIA ដែលជាក្រុមហ៊ុនធំមួយឧបត្ថម្ភដល់ក្រុមTOTTENHAM HOTSPUR FC របស់លីគកំពូលអង់គ្លេស បាននិយាយប្រាប់ភ្នាក់ងារយកព័ត៌មាន Sabay ក្រោយពីអញ្ជើញគ្រូបង្វឹកថ្នាលយុវជនមកហើយ នៅពេលខាងមុខនឹងមានកីឡាករមកម្ដង។ ការនិយាយបែបនេះគឺមានន័យថាលោក នឹងអញ្ជើញកីឡាករកំពូលៗ របស់ក្រុម Spurs មកចែករំលែកបច្ចេកទេសនៅកម្ពុជា។ ដោយនោះគឺជាអ្វីដែលក្រុមហ៊ុនរបស់នឹងធ្វើនៅថ្ងៃអនាគត។

អគ្គនាយកខាងលើបានបន្ដថាលោកពិតជាចង់ហៅកីឡាករល្បីៗមកខ្លាំងណាស់ (Harry Kane Dele Alli) ប៉ុន្តែបច្ចុប្បន្ននេះកម្មវិធីប្រកួតនៅលីគអង់គ្លេស ពិតជារវល់មែនទែន ដែលសឹងតែគ្មានពេលសម្រាប់កីឡាករចេញក្រៅបានឡើយ។ ដូច្នេះហើយ មានតែត្រូវរង់ចាំពេលវេលាបន្តិចទៀតសិន ទើបអាចដាក់លិខិតអញ្ជើញបាន ដើម្បីបំពេញបំណងប្រាថ្នារបស់អ្នកគាំទ្របាល់ទាត់នៅកម្ពុជា។

Kane ជាខ្សែប្រយុទ្ធមុតម្នាក់របស់ក្រុម Spurs ដោយរកបាន៩គ្រាប់ហើយ នៅរដូវកាលនេះ។ កីឡាករជម្រើសជាតិអង់គ្លេសរូបនេះ ក៏កំពុងតែស្ថិតក្នុងបញ្ជីប្រជែងយកស្បែកជើងមាសជាមួយ Mohamed Salah Aguero និង Gabriel Jesus អីផងដែរ៕

អត្ថបទ៖ មុន្នីរម្យ