ភ្ញាក់ផ្អើល ពេលឃើញវីដេអូរថភ្លើងកម្ពុជាបញ្ឆេះចេញដំណើរ មានទាំងអ្នកដាក់ឡានតាម
- 2017-11-27 04:11:19
- ចំនួនមតិ 0 | ចំនួនចែករំលែក 0
ភ្ញាក់ផ្អើល ពេលឃើញវីដេអូរថភ្លើងកម្ពុជាបញ្ឆេះចេញដំណើរ មានទាំងអ្នកដាក់ឡានតាម
ចន្លោះមិនឃើញ
ទោះបីជាផ្លូវរថភ្លើងនៅកម្ពុជាបានដាក់ឲ្យដំណើរការឡើងវិញបន្ទាប់ពីផ្អាកអស់រយៈពេលជាច្រើនឆ្នាំ ក៏នៅតែមានប្រជាពលរដ្ឋខ្មែរមួយចំនួននៅមិនទាន់បានសាកល្បងធ្វើដំណើរតាមរថភ្លើងនៅឡើយទេ។ ដោយឡែកកាលពីថ្មីៗនេះ ក្រុមហ៊ុន Royal Railway Cambodia ជាក្រុមហ៊ុនវិនិយោគលើគម្រោងនេះ បានបង្ហាញវីដេអូមួយប្រមាណជាង១នាទី បង្ហាញពីក្បាលម៉ាស៊ីនរថភ្លើងបានបញ្ឆេះ និងចេញដំណើរព្រមទាំងបន្លឺសំឡេងយ៉ាងគ្រលួច និងមានប្រជាពលរដ្ឋខ្លះថែមទាំងយករថយន្តទៅតាមទៀតផង។
ទិដ្ឋភាពរថភ្លើងធ្វើដំណើរមានទាំងសំឡេង និងបញ្ចេញផ្សែងយ៉ាងទ្រលោមនេះ ទោះមិនទំនើបដូចប្រទេសដទៃតែក៏មានអារម្មណ៍រំភើបចិត្តចង់សាកល្បងធ្វើដំណើរដែរ។
បើតាម លោក ឡុង ជាបុគ្គលិកបម្រើភ្ញៀវ ផ្នែកលើកដាក់ម៉ូតូ-ឡាន លើទូរថភ្លើងបានប្រាប់ថា សម្រាប់តម្លៃសំបុត្រដាក់ម៉ូតូដឹកតាមរថភ្លើង ក្នុងមួយគ្រឿងគឺ ៥ដុល្លារ ចំណែករថយន្តក្នុងមួយគ្រឿងគឺ ១៤ដុល្លារ។ ដឹកពីរាជធានីភ្នំពេញ ទៅដល់ រ៉ារថភ្លើងខេត្តតាកែវ ខេត្តកំពត និងខេត្តព្រះសីហនុ។
ចំពោះសំបុត្ររថភ្លើងត្រូវរកទិញនៅស្ថានីយ រយៈពេលពី ពីរ ឬបីថ្ងៃមុន។ សេវាកម្មរថភ្លើងចេញដំណើរទៅកាន់ខេត្ត តាកែវ ខេត្តកំពត និងខេត្តព្រះសីហនុ តែនៅរៀងរាល់ថ្ងៃ សុក្រ សៅរ៍ អាទិត្យ និងថ្ងៃឈប់សំរាកធំៗ។ សំបុត្រសម្រាប់អ្នកដំណើរ គឺមានតម្លៃ ៦ដុល្លារ ពីភ្នំពេញទៅខេត្ត កំពត និង៧ដុល្លារ ពីភ្នំពេញទៅខេត្តព្រះសីហនុ៕
សូមទស្សនាវីដេអូខាងក្រោមនេះ៖
ចុចអានអត្ថបទពាក់ព័ន្ធ៖
សែនស្រងេះស្រងោច! ពេលដឹងប្រវត្តិផ្លូវដែកដ៏កម្សត់របស់កម្ពុជា
ថ្មីបំផុត! ប្រជាជនកម្ពុជានឹងអាចធ្វើដំណើរតាមផ្លូវដែក ទៅកាន់២៧ប្រទេស