មូលហេតុអាល់ប៊ុមថ្មី Taylor Swift គ្មានឈ្មោះដណ្ដើមពាន Grammys

2017-11-29 08:11:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះ កម្មវិធីប្រគល់ពាន Grammys សម្រាប់ឆ្នាំ ២០១៨ ទើបតែប្រកាសបេក្ខភាពផ្សេងៗដើម្បីដណ្ដើមពាន។ ក្នុងនោះដែរ Taylor Swift បានទទួលការដាក់ឈ្មោះដណ្ដើមពានចំនួនពីរ គឺ បទចង្វាក់ស្រុកស្រែ (Country) ល្អបំផុតចំពោះបទ "Better Man” ដែលនាងបាននិពន្ធឲ្យក្រុមចម្រៀងស្រុកស្រែ Little Big Town និងបទចម្រៀងល្អបំផុតនិពន្ធសម្រាប់វីដេអូផ្សព្វផ្សាយគឺបទ "I Don't Wanna Live Forever” ដែលបានច្រៀងជាមួយតារាចម្រៀង Zayn Malik។

ប៉ុន្ដែអាល់ប៊ុមចម្រៀងថ្មីរបស់នាង "Reputation” និងបទចម្រៀងដកស្រង់ចេញពីអាល់ប៊ុមនេះដូចជា "Look What You Made Me Do”, “...Ready For It?”, “Gorgeous”, និង "Call It What You Want” មិនមានឈ្មោះដណ្ដើមពានអ្វីនោះទេ។

មូលហេតុដែលអាល់ប៊ុមនេះមិនអាចមានឈ្មោះដណ្ដើមពានអ្វីបាន គឺដោយសារតែអាល់ប៊ុមនេះមិនត្រូវលក្ខខណ្ឌក្នុងការដណ្ដើមពាន។ កាលបរិច្ឆេទក្នុងការជ្រើសរើសសម្រាប់ចូលរួមដណ្ដើមពានឆ្នាំនេះ ចាប់ផ្ដើមពីថ្ងៃទី ១ ខែតុលាឆ្នាំ ២០១៦ ដល់ខែកញ្ញា ឆ្នាំ ២០១៧ ប៉ុន្ដែអាល់ប៊ុម "Reputation” បានបញ្ចេញនៅខែវិច្ឆិកាឯណោះ ដែលធ្វើឲ្យអាល់ប៊ុមនេះមានលទ្ធភាពចូលរួមដណ្ដើមពាននៅឆ្នាំ ២០១៩ វិញ។

ប៉ុន្តែនៅក្នុងឱកាសដូចគ្នានោះដែរ មិត្តភក័្តរបស់ Taylor គឺ Lorde ទទួលបានឈ្មោះដណ្ដើមពានអាល់ប៊ុមប្រចាំឆ្នាំ ហើយអតីតសង្សាររបស់ Taylor លោក Calvin Harris ក៏មានឈ្មោះដណ្ដើមពានផលិតករប្រចាំឆ្នាំផងដែរ៕

អានអត្ថបទ៖

ប្រភព៖ Elle ប្រែសម្រួល៖ ធារ៉ូ