កីឡាករ Barca ញញឹមពព្រាយ ក្រោយ Audi ឲ្យរថយន្តថ្មីម្នាក់មួយគ្រឿង

2017-12-01 01:59:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខ្លាំង Barcelona ត្រូវបានក្រុមហ៊ុនរថយន្ត Audi ដែលជាអ្នកឧបត្ថម្ភធំមួយរបស់ក្លឹប បានផ្ដល់រថយន្តស៊េរីថ្មីទំនើប ម្នាក់មួយគ្រឿងកាលពីម្សិលមិញ។

កីឡាករទាំងអស់ព្រមទាំង Lionel Messi និង Luis Suarez ដែលបង្ហាញខ្លួនក្នុងថ្ងៃផ្ដល់នោះ បានញញឹមសើចសប្បាយរីករាយ បន្ទាប់ពីបានសោរថយន្តថ្មី។ Messi និង Suarez ទទួលបានរថយន្តម៉ាក Audi RS 6 Avant Performance ដ៏ថ្មីសន្លាង ខណៈកីឡាករផ្សេងបានប្រភេទរថយន្តម៉ាកផ្សេងៗគ្នា។ ពួកគេមានថតរូបពេល ក្រុមហ៊ុនប្រគល់ជូនរថយន្ត និងបានបើកសាកល្បងកម្លាំងម៉ាស៊ីនផងដែរ។

ការឲ្យកាដូទៅកីឡាករ Barca នេះកើតឡើង មួយសប្ដាហ៍បន្ទាប់ពី Audi ទើបតែជូនកាដូរថយន្តទៅក្រុមកីឡាករ Real Madrid ដូចគ្នា។ ក្នុងរដូវកាលថ្មីនេះ Barcelona កំពុងធ្វើបានល្អមែនទែន មិនទាន់ចាញ់មួយប្រកួតណាឡើយ និងដាច់ពិន្ទុគូប្រជែង Real Madrid ៨ពិន្ទុ ដែលកំពុងឈរលេខ៤៕