ខ្សែការពារ Chelsea ម្នាក់ លេងឡើងរហែកស្បែកជើង ក្នុងប្រកួតយប់មិញ

2017-11-30 12:18:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាជួយឲ្យ Chelsea ឈ្នះ ១ទល់នឹង ០ ទៅលើ Swansea ក៏ដោយ ខ្សែការពារ Antonio Rudiger បានរងរបួសរលាត់ស្បែក ក្រោយស្បែកជើងរបស់ខ្លួនបានរហែកក្នុងអំឡុងពេលប្រកួត។

ក្នុងគណនី Instagram របស់ខ្លួន ខ្សែការពារអាល្លឺម៉ង់ Rudiger បានបង្ហោះរូបភាពដែលបង្ហាញពីរបួស រលាត់សាច់នៅជើងឆ្វេងរបស់ខ្លួន។ លើសពីនេះ ក្នុងរូបភាពទាំងនោះ ក៏បានបង្ហាញពីស្បែកជើងរបស់ Rudiger ដែលមានសភាពធ្លុះ។ ដោយស្បែកជើងដែលខ្លួនពាក់ ជាផលិតផលរបស់ក្រុមហ៊ុន Nike កីឡាករ Rudiger បានសរសេរលើរូបនោះដោយបន្ថែមសញ្ញាសើច ក្នុងន័យសួរក្រុមហ៊ុនមួយនេះ ថា៖ " Nikeតើនេះជាអ្វី? ”

កាលពីប្រកួតយប់មិញ មួយគ្រាប់នៅនាទី ៥៥ របស់ខ្សែការពារ Rudiger បានជួយក្លឹបតោខៀវបាន ៣ពិន្ទុ ដែលពិន្ទុទាំងនេះធ្វើឲ្យក្លឹបមួយនេះឈរលេខ ៣ក្នុងតារាង EPL ពោលគឺមាន ៣ពិន្ទុពីក្រោយ Manchester United ដែលនៅចំណាត់ថ្នាក់បន្ទាប់ និង ១១ពិន្ទុពី Manchester City ដែលកំពុងឈរកំពូលតារាង៕

ប្រភព៖ Metro ប្រែសម្រួល៖ ហ៊ីម រស្មី