បែកគំនិតគូសសញ្ញាចរាចរណ៍លើផ្លូវ សម្រួលការធ្វើដំណើរខ្លួនឯង ត្រូវប៉ូលិសចាប់ខ្លួន (វីដេអូ)

2017-12-01 02:36:54
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ត្រូវបានផាកពិន័យបន្ទាប់ពីបានគូសគំនូសសញ្ញាថ្មីនៅលើផ្លូវក្នុងគោលបំណងធ្វើឱ្យការធ្វើដំណើរប្រចាំថ្ងៃកាន់តែងាយស្រួល។

តាមរបាយការណ៍របស់ The Modern Express ឲ្យដឹងថា បុរសវ័យ២៨ឆ្នាំម្នាក់ត្រកូល Cai ត្រូវបានផាកពិន័យជាប្រាក់ចំនួន ១០០០យ័ន (១៥១ដុល្លារ) នៅភាគខាងកើតទីក្រុង Lianyungang ខេត្ត Jiangsu។ បុរសរូបនេះត្រូវបានកាមេរ៉ាសុវត្ថិភាពចាប់បានកាលពីថ្ងៃទី ២៧ខែកញ្ញា ខណៈដែលកំពុងធ្វើសកម្មភាពគូសសញ្ញាព្រួញថ្មីនៅលើផ្លូវដើម្បីប្ដូរទិសចរាចរណ៍។ លោកបានប្រាប់ប៉ូលិសថាដោយសារតែមិនអាចទ្រាំនឹងការពន្យារពេលយូរក្នុងការធ្វើដំណើរតាមឡានក្រុងប្រចាំថ្ងៃ។

លោក Cai និយាយថា "ខ្ញុំបានឃើញថាផ្លូវត្រង់ត្រូវបានប្រមូលផ្តុំដោយរថយន្តខណៈដែលផ្លូវដែលបត់ឆ្វេងមានភាពទូលាយ។ ខ្ញុំគិតថាការផ្លាស់ប្តូរសញ្ញានឹងធ្វើឱ្យការធ្វើដំណើររបស់ខ្ញុំរលូនជាងមុន។”

ប៉ូលីសចរាចរណ៍បានប្រាប់ Modern Express ថាឥរិយាបថរបស់លោក Cai គឺ "គ្រោះថ្នាក់ណាស់" ហើយអាចបណ្តាលឱ្យមានការបុកគ្នា។ ចាប់តាំងពីពេលនោះមកប៉ូលិសបានដាក់ពង្រាយកម្មករដើម្បីគូសសញ្ញាផ្លូវឡើងវិញ។

នេះមិនមែនជាលើកទី ១ទេដែលមានមនុស្សក្នុងប្រទេសចិនបានប្រើជំនាញសិល្បៈនិងភាពប៊ិនប្រសប់របស់ខ្លួនដើម្បីបង្កើតចរាចរណ៍ថ្មីដោយខ្លួនឯង។ គួរបញ្ជាក់ថា កាលពីខែឧសភា អ្នកបើកបរម្នាក់នៅភាគខាងកើតខេត្ត Zhejiang ក៏ធ្លាប់ត្រូវបានពិន័យជាប្រាក់បន្ទាប់ពីបានគូរកន្លែងចតឡានដោយខ្លួនឯងនៅលើផ្លូវផងដែរ៕

វីឌីអូ៖

ចុចអាន៖

ប្រភព៖ BBC ប្រែសម្រួល៖ រ័ត្ន