បញ្ចប់បរិញ្ញាបត្រ នារីវ័យក្មេងបោះបង់ស្នេហានិងការងារ មើលថែឪពុកមានជំងឺ

2017-11-22 08:09:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែមិថុនាឆ្នាំ ២០១៣ កញ្ញា Gu Xue ដែលទើបតែបញ្ចប់បរិញ្ញាបត្រថ្មីៗគ្រោងនឹងស្វែងរកការងារសម្រាប់ខ្លួនឯង ប៉ុន្តែពីរខែក្រោយមកឪពុករបស់នាងស្រាប់តែធ្លាក់ខ្លួនឈឺយ៉ាងខ្លាំង ធ្វើឲ្យកញ្ញា Gu សម្រេចចិត្តដ៏លំបាកក្នុងការត្រលប់មកកាន់ស្រុកកំណើត Yicheng ក្នុងខេត្ត Hubei វិញដោយដឹងថាវាអាចនឹងធ្វើឲ្យទំនាក់ទំនងរបស់នាងនិងមិត្តប្រុសត្រូវបញ្ចប់។ ជាការពិតណាស់មិត្តប្រុសរបស់នាងក៏សុំចែកផ្លូវគ្នាជាមួយនាងភ្លាមៗ។

ឪពុករបស់កញ្ញា Gu មានជំងឺរលាកស្រោមខួរធ្ងន់ធ្ងរ ដែលធ្វើឲ្យលោកមិនអាចដើរដោយខ្លួនឯងបាន។ ដូច្នេះហើយកញ្ញា Gu បានមើលថែឪពុកអស់រយៈពេល ៤ឆ្នាំមកហើយ ឥលូវនេះកញ្ញាមានអាយុ ២៦ឆ្នាំ។

ខណៈពេលដែលកញ្ញាចង់អស់សង្ឃឹមអំពីស្ថានភាពសព្វថ្ងៃ កញ្ញា Gu បាននិយាយថានៅទីបំផុតខ្លួនបានដឹងពីអ្វីដែលពិតជាសំខាន់នៅក្នុងជីវិត។ កញ្ញាបានបន្តថា "ខ្ញុំអាចរកមិត្តប្រុសផ្សេងទៀតបាន ប៉ុន្តែខ្ញុំមានឪពុកតែមួយប៉ុណ្ណោះ ហើយដរាបណាខ្ញុំនៅមានឪពុក ខ្ញុំនឹងនៅតែមានគ្រួសារ។"

នៅលើបណ្ដាញសង្គម Weibo ដ៏ល្បីរបស់ចិន អ្នកលេងអ៊ីនធឺណិតមកពីទូទាំងប្រទេសក៏បានសម្ដែងការកោតសរសើរចំពោះកញ្ញា Gu សម្រាប់ក្ដីអាណិតអាសូរនិងការលះបង់អ្វីគ្រប់យ៉ាងដើម្បីថែរក្សាឪពុករបស់នាងផងដែរ៕