អ្នកក្លាហាន ជួយសង្គ្រោះអ្នកលង់ទឹក ៤នាក់ បែរទទួលរង្វាន់ក្បាលត្រី ពេញមួយជីវិត
- 2017-11-22 07:09:03
- ចំនួនមតិ 0 | ចំនួនចែករំលែក 0
អ្នកក្លាហាន ជួយសង្គ្រោះអ្នកលង់ទឹក ៤នាក់ បែរទទួលរង្វាន់ក្បាលត្រី ពេញមួយជីវិត
ចន្លោះមិនឃើញ
បុរសដ៏ក្លាហានម្នាក់ ដែលជាបុគ្គលិកក្រុមហ៊ុន Alibaba បានជួយសង្គ្រោះជីវិតមនុស្សចំនួន ៤នាក់ពីការលង់ទឹក នៅក្នុងទីក្រុង Hangzhou ប្រទេសចិន ហើយបានទទួលរង្វាន់ក្បាលត្រី សម្រាប់ទទួលទានពេញមួយជីវិត។
លោក Liu Xinting អាយុ៤២ឆ្នាំ បានចូលជួយសង្គ្រោះជនរងគ្រោះ បន្ទាប់ពីលោកបានប្រទះឃើញ រថយន្តមួយគ្រឿង ដឹកបុរស២នាក់ និងស្រ្តី២នាក់ ធ្លាក់ចូលទៅក្នុងទឹកទន្លេ Thousand Island Lake កាលពីរសៀល ថ្ងៃអាទិត្យ កន្លងទៅនេះ។
នៅមុនពេលកើតហេតុ លោក Liu កំពុងធ្វើដំណើរត្រលប់ទៅកាន់ទីក្រុង Hangzhou ជាមួយមិត្តរួមការងារ និងសមាជិកគ្រួសារ បន្ទាប់ពីទទួលទានអាហារថ្ងៃត្រង់ (ក្បាលត្រី) នៅហាងមួយក្នុងតំបន់។
ដើម្បីជាការលើកទឹកចិត្តដល់ភាពក្លាហានរបស់ លោក Liu ក្រុមហ៊ុន Hangzhou Qiandao Lake Development Group ដែលសហការណ៍ជាមួយភោជនីយដ្ឋានជាច្រើន បានប្រកាសនៅលើគណនីបណ្ដាញសង្គម WeChat របស់ខ្លួន កាលពីថ្ងៃច័ន្ទថា នឹងផ្ដល់ក្បាលត្រីដល់លោក Liu ដោយឥតគិតថ្លៃ ពេញមួយជីវិតតែម្ដង៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
