លួចរថយន្តទំនើបបានហើយ តែចុងក្រោយត្រូវចាប់ខ្លួនដោយសារអត់លុយចាក់សាំង (វីដេអូ)

2017-12-04 02:28:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ចោរលួចរថយន្តទំនើបម៉ាក Ferrari ម្នាក់ត្រូវបានចាប់ខ្លួនបន្ទាប់ពីត្រូវបានប្រទះឃើញកំពុងសុំលុយអ្នកដំណើរដើម្បីចាក់សាំង។

បុរសម្នាក់ឈ្មោះ Israel Perez Rangel អាយុ ៣៨ឆ្នាំត្រូវបានចាប់ខ្លួនបន្ទាប់ពីប៉ូលិសបានប្រទះឃើញរូបគេកំពុងសុំលុយដើម្បីចាក់សាំងរថយន្ត Ferrari 458 Spider។

អាជ្ញាធរបាននិយាយថារថយន្តនេះត្រូវបានគេលួចកាលពី ២សប្ដាហ៍មុននៅមជ្ឈមណ្ឌលសេវាកម្ម Ferrair & Maseriti ក្នុងទីក្រុង Newport Beach រដ្ឋកាលីហ្វរញ៉ាសហរដ្ឋអាមេរិក។ កាមេរ៉ាសុវត្ថិភាពបានបង្ហាញពីសកម្មភាពបុរសម្នាក់ពាក់អាវធំ Ferrariបានដើរសំដៅទៅកាន់កន្លែងចតរថយន្តនិងបានបើករថយន្តចេញទៅ។

ប៉ូលិសត្រូវបានគេរាយការណ៍ពីការបើកបររថយន្ត Ferrari ដោយខុសប្រក្រតីនិងបានឈប់នៅចំណុចប្រសព្វមួយហើយបានសុំលុយដើម្បីចាក់សាំង។

ប៉ូលិសនិយាយថាបុរសឈ្មោះ Rangel បានគេចខ្លួននៅពេលប៉ូលិសមកដល់ ប៉ុន្តែក្រោយមកត្រូវបានរកឃើញនិងចាប់ខ្លួននៅក្បែរព្រៃជិតសណ្ឋាគារ Holiday Inn ។ យោងតាមកំណត់ត្រារបស់តុលាការកំពូល Orange Count, បុរសរូបនេះអាចប្រឈមនឹងការកាត់ទោសចំពោះការចោទប្រកាន់ពីបទចោរកម្មក្នុងទឹកប្រាក់ជាង ២០ ០០០០ ដុល្លារ។

ទោះជាយ៉ាងណាក៏ដោយ តាមរបាយការណ៍របស់ the Times ឲ្យដឹងថាម្ចាស់រថយន្ត Ferrari អាចនឹងទាមទារការធានារ៉ាប់រងពីក្រុមហ៊ុនហើយប្រើប្រាស់លុយទាំងនោះដើម្បីទិញរថយន្ត Lamboghini Huracan ស៊េរីថ្មីបានផងដែរ៕

វីដេអូ៖

ចុចអាន៖

ប្រភព៖ Mirror ប្រែសម្រួល៖ រ័ត្ន