ចាន់ វឌ្ឍនាកា នឹងមកដល់កម្ពុជាខានស្អែកម៉ោង ៣:៤០ នាទី

2017-12-05 01:50:30
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាឆ្នើមរបស់កម្ពុជា ចាន់ វឌ្ឍនាកា នឹងមកដល់កម្ពុជាវិញនាថ្ងៃទី៧ ខែធ្នូ ឆ្នាំ២០១៧ ខានស្អែកនេះ វេលាម៉ោង ៣:៤០ នាទីរសៀល ក្រោយចប់កុងត្រាខ្ចីជើង១ឆ្នាំនៅក្លឹបFujieda MyFC។

ចាន់ វឌ្ឍនាកា (កាលជួយជម្រើសជាតិ)

ខ្សែប្រយុទ្ធជម្រើសជាតិកម្ពុជា ចាន់ វឌ្ឍនាកា បានឲ្យដឹងតាមរយៈការ Live វីដេអូលើ Page Facebook របស់ខ្លួនកាលពីម្សិលមិញនេះថា រូបគេនឹងមកដល់កម្ពុជាវេលាម៉ោងខាងលើ ហើយមិនអាចទៅជួយបឹងកេតនៅទឹកដីវៀតណាមក្នុងការប្រកួត Toyota Mekong Club ជើងទី១ ថ្ងៃទី៩ ខែធ្នូ ឆ្នាំ២០១៧ ទេ។ ប៉ុន្តែការប្រកួតជើងទី២ នៅទឹកដីកម្ពុជានាពហុកីឡដ្ឋានជាតិថ្ងៃទី១៣ ខែធ្នូ គឺអាចជួយបាន។

ចំពោះព័ត៌មាននៃការចូលរួមជាមួយក្លឹបផ្សេងៗ រូបគេមិនបានដឹងឡើយ។ ស្របពេលគោលបំណងចម្បងនៅចំពោះមុខគឺជួយបឹងកេតជាមុនសិន។

ចាន់ វឌ្ឍនាកា បានទៅចូលរួមជាមួយក្លឹប Fujieda MyFC កាលពីដើមខែមករា ឆ្នាំ២០១៧ ក្នុងកិច្ចសន្យាខ្ចីជើងចំនួន ១ រដូវកាល បើគិតមកដល់ពេលនេះរូបគេបានផុតកុងត្រា និងអាចមកជួយបឹងកេតវិញផងដែរ៕