តួសិចម្នាក់សម្រេចបញ្ចប់ជីវិតខ្លួនក្រោយប្រតិកម្មនឹងពាក្យរិះគន់ខ្លាំងលើ Twitter

2017-12-08 03:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

August Ames (ឈ្មោះពិតប្រាកដ Mercedes Grabowski) គឺជាតារាសម្ដែងស្រីសញ្ជាតិកាណាដាម្នាក់ កើតនៅថ្ងៃទី ២៣ ខែសីហា ឆ្នាំ១៩៩៤ នៅក្នុងទីក្រុង Antigonish ប្រទេសកាណាដា ហើយបានធំដឹងក្ដីឡើងនៅរដ្ឋCalifornia។

កាលពីប៉ុន្មានថ្ងៃមុននេះ នាងបានបង្ហោះសារមួយនៅលើបណ្ដាញសង្គម Twitter ហើយក៏ទទួលបានមតិរិះគន់តបតជាច្រើន។ នាងបានបញ្ចេញមតិយោបល់អំពីជីវិតការងារនិងសុខភាពរបស់នាង ប៉ុន្តែមនុស្សគ្រប់គ្នាបែរជារិះគន់ទៅវិញ។ ក្នុងអ្វីដែលនាងបង្ហោះក្នុងបណ្ដាញសង្គម Twitter នោះ គឺនាងមិនចង់សម្ដែងឈុតរួមភេទជាមួយតួប្រុសដែលធ្លាប់ថតរឿងរួមភេទជាមួយប្រុសដូចគ្នាទេ ព្រោះនាងបារម្ភខ្លាចឆ្លងជម្ងឺសង្គមពីពួកតារាប្រុសទាំងនោះ។

ក្រោយពេលឃើញសរសេរសារទាំងនោះមក ផលិតកម្មទាំងមូលមានការភ្ញាក់ផ្អើល ហើយតារាសម្ដែងមួយចំនួនទៀតក៏បានចោទប្រកាន់នាងថាជាមនុស្សខ្លាចមនុស្សប្រុស។

នៅក្នុងសារមួយទៀត មនុស្សជាច្រើនបានសុំឲ្យនាងសុំទោស ឬក៏ទៅសម្លាប់ខ្លួនទៅ ប៉ុន្តែនាងបដិសេធថានាងមិនមែនជាមនុស្សខ្លាចមនុស្សប្រុសទេ ហើយនាងក៏គ្មានអ្វីត្រូវសុំទោសដែរ ព្រោះនាងគ្រាន់តែបារម្ភពីសុខភាពរបស់ខ្លួនឯងតែប៉ុណ្ណោះ។

២ ថ្ងៃក្រោយទទួលបានប្រតិកម្មរិះគន់ តារាសញ្ជាតិកាណាដារូបនេះ ត្រូវបានប្រទះឃើញស្លាប់នៅទីក្រុង Camarillo រដ្ឋ California។ មិត្តភក្តិរបស់នាងបាននិយាយថាការស្លាប់របស់នាងអាចបណ្ដាលមកពីការឈឺចាប់ដោយសារការរិះគន់តាមអនឡាញហើយនាងក៏មានបញ្ហាផ្លូវចិត្តធ្ងន់ធ្ងរ។

បើតាមក្រុមគ្រូពេទ្យកោសល្យវិច័យ Ventura បានប្រាប់ថាការស្លាប់របស់នាងបណ្ដាលមកពីការធ្វើអត្តឃាតដោយការចងក។ ប៉ុន្តែរឿងរ៉ាវពិតប្រាកដពីការស្លាប់របស់នាងមិនទាន់បានដឹងនៅឡើយនោះទេ។

ការស្លាប់របស់តារាសម្ដែងដ៏ល្បីរូបនេះ បានធ្វើឲ្យមានការភ្ញាក់ផ្អើលដល់បណ្ដាផលិតកម្មនិងតារារួមអាជីពផងដែរ។ ពួកគេមានការសោកស្ដាយជាខ្លាំងនៅការបាត់បង់តារាដែលមានទេពកោសល្យមួយរូបនេះ។

គួរបញ្ជាក់ដែរថា នាងបានចូលប្រឡូកក្នុងវិស័យសិល្បៈក្នុងឆ្នាំ ២០១៣ ហើយបានធ្វើការឲ្យផលិតកម្មធំៗជាច្រើនដូចជាផលិតកម្ម Wicked Pictures ជាដើម។ នាងសម្ដែងបានច្រើនជាង ២៥០ឈុតបើគិតចាប់តាំងពីនាងបានចូលបម្រើក្នុងការងារនេះមក។

តារាវ័យ ២៣ឆ្នាំរូបនេះ ធ្លាប់បានទទួលពានរង្វាន់តារាស្រីវ័យក្មេងជាងគេនៅឯកម្មវិធីពានរង្វាន់ AVN ឆ្នាំ ២០១៥ និង ពានរង្វាន់តារាសម្ដែងស្រីល្អជាងគេនៅក្នុងឆ្នាំ ២០១៧នេះ៕

ប្រភព៖ factswt

ប្រែសម្រួល៖ អន សុភក្ត្រា