៣ ឆ្នាំក្រោយ IoT នឹងមានតម្លៃទីផ្សារឡើងដល់ ១.១ ទ្រីលានដុល្លារ

2017-12-12 04:25:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Internet of Things សំដៅទៅដល់បណ្ដាញដែលតភ្ជាប់ឲ្យរថយន្ត, គ្រឿងបរិក្ខារក្នុងគេហដ្ឋាន និងឧបករណ៍អេឡិចត្រូនិកដទៃទៀត ក៏ដូចជាប្រព័ន្ធ Software, Sensor និង Network ដែលអនុញ្ញាតឲ្យគ្រឿងទាំងអស់នេះអាចភ្ជាប់និងបន្លាស់ប្ដូរទិន្នន័យទៅវិញទៅមក។

IoT រំពឹងនឹងមានតម្លៃទីផ្សារកើនឡើងដល់ ១.១ ទ្រីលាន ដុល្លារនាឆ្នាំ ២០២១។ នេះបើផ្អែកតាមរបាយការណ៍ពីក្រុមការងារ IDC បានវិភាគទុកជាមុន។ ប្រភពដដែលបញ្ជាក់ថា ទំហំចំណាយធំបំផុត នឹងផ្តោតលើឧបករណ៍ Sensor, Module និងប្រព័ន្ធសុវត្ថិភាព ដែលបណ្ដាក់ទុនជាង ១៨៩ ប៊ីលានដុល្លារ នៅឆ្នាំ ២០១៨ ស្របពេលចំណាយអាចកើនដល់ ៧៧២.៥ ប៊ីលានដុល្លារ។

រូបតំណាងសន្និសីទ IoT នៅទីក្រុងហុងកុងនាឆ្នាំ ២០១៥

ប្រទេសចិនក្តោបក្តាប់ទីផ្សារធំបំផុតដល់ទៅ ២០៩ ប៊ីលានដុល្លារ ខណៈអាមេរិកមាន ១៩៤ ប៊ីលានដុល្លារ, ជប៉ុនរំពឹងមាន ៦៨ ប៊ីលានដុល្លារ និង ២៩ ប៊ីលានដុល្លារសម្រាប់ប្រទេសកូរ៉េ។ នេះសបង្ហាញពីការជះឥទ្ធិពលនៃភាពវិវត្តរបស់បច្ចេកវិទ្យា ដែលនឹងមានតាំងពីរថយន្តនិងបាសឆ្លាតវៃ រហូតដល់គ្រឿងបរិក្ខារក្នុងគេហដ្ឋាន អាចតភ្ជាប់ជាមួយស្មាតហ្វូននិងនាឡិកាឆ្លាតវៃ។