រថយន្ត McLaren Senna តម្លៃ ១ លានដុល្លារ បើចង់ទិញ ក៏ហួសពេលដែរ

2017-12-12 02:03:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន McLaren បានប្រកាសបង្ហាញនូវរថយន្ត Senna ស៊េរីឆ្នាំ ២០១៨ ជាផ្លូវការ ដោយបង្គំនូវគ្រឿងបរិក្ខារទំនើបនិងលក្ខណៈពិសេសម្យ៉ាង ទាំងតួខ្លួនក៏ដូចជាប្រអប់លេខនៃរថយន្តស្រោបដោយសរសៃកាបូន Monocage III ធ្វើឲ្យទឹកថ្នាំធន់ជាប់បានយូរ មិនងាយច្រេះ និងរបកនោះឡើយ។

បំពាក់នូវម៉ាស៊ីន Twin-turbo V8 ចំណុះ ៤.០ លីត្រ ផលិតកម្លាំងបាន ៧៨៩ សេះ រត់ដោយកង់ខាងក្រោយ ទម្ងន់ស្ងួត ២,៦៤១ ផោន។

ប្រភេទរថយន្តស្ព័រ Senna ស៊េរីឆ្នាំ ២០១៨ នឹងថ្លៃប្រហែល ៧៥០,០០០ ផោន នៅចក្រភពអង់គ្លេស (គិតទាំងថ្លៃពន្ធ) និងប្រហែល ១ លានដុល្លារ នៅទឹកដីអាមេរិក។ មានប្រហែល ៥០០ គ្រឿងនឹងដឹកជញ្ជូនចេញនៅត្រីមាសទី ៣ ឆ្នាំក្រោយ ប៉ុន្តែហួសពេលទៅហើយ ថ្វីបើនរណាម្នាក់មានបំណងចង់បាន ស្របពេល McLaren បានបញ្ជាក់ ប្រភេទ Limited Edition មួយនេះ ត្រូវបានកក់ទុកអស់បាត់ទៅហើយ។