Salah ឈ្នះពានកីឡាករឆ្នើមប្រចាំទ្វីបអាហ្វ្រិក
- 2017-12-12 02:18:44
- ចំនួនមតិ 0 | ចំនួនចែករំលែក 0
Salah ឈ្នះពានកីឡាករឆ្នើមប្រចាំទ្វីបអាហ្វ្រិក
ចន្លោះមិនឃើញ
Mohamed Salah ត្រូវបានបោះឆ្នោតជាកីឡាករឆ្នើមប្រចាំទ្វីបអាហ្វ្រិករបស់សារព័ត៌មានអង់គ្លេស BBC សម្រាប់ឆ្នាំ២០១៧។
ខ្សែប្រយុទ្ធរបស់ Liverpool ទទួលសំឡេងគាំទ្រវ៉ាដាច់គូប្រជែងផ្សេងទៀតមកពីអាហ្វ្រិកដូចគ្នាមាន Pierre-Emerick Aubameyang, Guinean Naby Keita, Victor Moses និងមិត្តរួមក្រុម Sadio Mane។ កីឡាករដែលឈ្នះពាននេះកាលពីឆ្នាំ២០១៦គឺ Riyad Mahrez របស់ Leicester City។
តារាឆ្នើមសញ្ជាតិអេហ្ស៊ីប ស៊ុតបាន១៥គ្រាប់នៅ Premier League និង ៥គ្រាប់នៅ Champions League ថែមទាំងជួយជម្រើសជាតិឡើង World Cup លើកដំបូងគិតចាប់ពីឆ្នាំ១៩៩០ដោយរកបាន៧គ្រាប់តែឯងនៅវគ្គជម្រុះ។
BBC African Footballer of the Year គឺជាពានដែលរៀបចំឡើងដោយ BBC ជារៀងរាល់ឆ្នាំ ចាប់តាំងពីឆ្នាំ១៩៩២មក ហើយជយលាភីពាននេះគឺសម្រេចលើសំឡេងឆ្នោតដែលបោះតាមរយៈសារទូរស័ព្ទ និងអ៊ីនធឺណិត៕