ពេជ្រ ម្ទេសខ្មាំង បើមានឱកាសចង់ទៅហ្វឹកហាត់នៅហ្វីលីពីន

2017-12-14 03:21:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងទាំងគុនខ្មែរ និងប្រដាល់សលក ពេជ្រ ម្ទេសខ្មាំង ថា បើមានឱកាសពេលណាមួយនោះ ខ្លួនចង់ទៅហ្វឹកហាត់នៅប្រទេសហ្វីលីពីន ព្រោះទីនោះប្រដាល់សកលមានការជឿនលឿន។

កីឡាករ ពេជ្រ ម្ទេសខ្មាំង

ពេជ្រ ម្ទេសខ្មាំង បានឲ្យដឹងថា ប្រសិនបើមានឱកាសនៅពេលក្រោយៗនោះ រូបគេចង់ទៅហ្វឹកហាត់នៅឯប្រទេសហ្វីលីពីនជាងគេ ព្រោះយល់ឃើញថាប្រទេសមួយនេះមានកត្តាអំណោយផលជាច្រើនក្នុងការហ្វឹកហាត់។

កីឡាករ ពេជ្រ ម្ទេសខ្មាំង(ក្រហម)ពេលប្រកួតថ្នាក់ជាតិ

ម្ចាស់មេដាយសំរឹទ្ធស៊ីហ្គេមខាងលើបន្តថា ហ្វីលីពីនជាប្រទេសដែលមិនសូវត្រជាក់ ការហូបចុកក៏អាចទទួលយកបាន បច្ចេកទេសហ្វឹកហាត់ក៏ល្អទំនើប ហើយកីឡាកររបស់គេមានវិន័យក្នុងការហ្វឹកហាត់ថែមទៀតដូច្នេះហើយបានជាកីឡាកររូបនេះចង់ទៅទីនោះ។ ជើងខ្លាំងរបស់កម្ពុជាខាងលើលើកឡើងទៀតថា បើបានទៅហ្វឹកហាត់នៅទីនោះមែន ប្រហែលជាសមត្ថភាពរបស់ខ្លួននឹងរីកចម្រើនជាងនេះទៅទៀត និងរឹតតែមានទំនុកចិត្តក្នុងការដណ្ដើមមេដាយនាព្រឹត្តិការណ៍ស៊ីហ្គេមក្រោយៗទៀត។

ពេលឈ្នះមេដាយពីម៉ាឡេស៊ី

កីឡាករ ពេជ្រ ម្ទេសខ្មាំង ជាជើងខ្លាំងរបស់កម្ពុជាមិនថាគុនខ្មែរ ឬប្រដាល់សកលនោះទេ ហើយថ្មីៗនេះទើបនិងឈ្នះផ្ដួលដៃគូឲ្យសន្លប់ក្នុងកម្មវិធី Khmer-Thai Fight ក្រៅពីនោះក៏ឈ្នះមេដាយមាសថ្នាក់ជាតិថ្មីៗនេះទៀតផង។ នៅកម្ពុជាបច្ចុប្បន្ននេះផ្នែកប្រដាល់សកលក្នុងប្រភេទ ៦០គីឡូក្រាម ពិបាករកកីឡាកររូបណាវ៉ៃឈ្នះ ម្ទេសខ្មាំង ណាស់៕

អត្ថបទ៖ នួន ស៊ីណា