Matt Damon និយាយពីប្រធានបទក្ដៅទាក់ទងនឹងការបៀតបៀនផ្លូវភេទ

2017-12-19 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

- តារាសម្ដែងល្បីឈ្មោះ Matt Damon បាននិយាយថាមនុស្សប្រុសដែលមិនធ្លាប់ពាក់ព័ន្ធនឹងរឿងអាស្រូវផ្លូវភេទនៅហូលីវូដ មិនត្រូវបានគេយកចិត្តទុកដាក់គ្រប់គ្រាន់នោះទេ។

- ពពួកបុរសទាំងនោះតែងតែនិយាយទៅកាន់អ្នកដែលពួកគេស្គាល់ថា៖ "កុំធ្វើរឿងបែបនេះ។"

- លោក Damon បាននិយាយទៀតថា ប្រសិនជាលោកធ្វើការជាមួយមនុស្សដែលធ្លាប់ចោទប្រកាន់ ពាក់ព័ន្ធរឿងបៀតបៀនផ្លូវភេទ លោកនឹងដោះស្រាយដោយវិធីសាស្ត្រមួយដាច់ដោយឡែក ពោលគឺរឿងអាស្រូវមិនពាក់ព័ន្ធនិងការងារ។

តារាសម្ដែង Matt Damon គិតថាមនុស្សប្រុសនៅហូលីវូដ ដែលមិនមែនជាអ្នកបៀតបៀនផ្លូវភេទ គួរតែត្រូវគេនិយាយអំពីពួកគេឲ្យកាន់តែច្រើន។

ដោយសារតែរឿងអាស្រូវពាក់ព័ន្ធបញ្ហានេះជាច្រើនបានកើតឡើង តាំងតែពីសារព័ត៌មាន The New York Times និង The New Yorker បានបង្ហាញពីការរាយការណ៍គួរភ្ញាក់ផ្អើលមួយកាលពីខែតុលាពាក់ព័ន្ធនឹងរឿងអាស្រូវរបស់ផលិតករល្បីឈ្មោះ Harvey Weinstein ព្រមទាំងបុគ្គលល្បីៗជាច្រើនមិនថាជាតារាសិល្បៈ ខាងសារព័ត៌មាន ឫព្រមទាំងអ្នកនយោបាយ។

ប៉ុន្តែលោក Matt Damon បាននិយាយថាមិនមែនរាល់មនុស្សប្រុសទាំងអស់នៅហូលីវូដសុទ្ធតែអាក្រក់នោះទេ។ លោកបានរៀបរាប់ថា៖ "យើងកំពុងស្ថិតនៅស្ថានភាពមួយដែលមានការផ្លាស់ប្ដូរកើតឡើង ហើយវាជារឿងដ៏ល្អមួយ ប៉ុន្តែខ្ញុំគិតថារឿងមួយដែលមិនត្រូវបានគេយកចិត្តទុកដាក់នោះគឺ មានបុរសជាច្រើនដែលខ្ញុំធ្លាប់បានធ្វើការជាមួយ ដែលមិនបានធ្វើរឿងអ្វីបែបនេះ ព្រមទាំងមិនពាក់ព័ន្ធនឹងរឿងបែបនេះទៅថ្ងៃអនាគតផងដែរ។" នេះបើតាមការឆ្លើយតបរបស់លោកទៅកាន់សារព័ត៌មាន Business Insider ខណៈពេលលោកកំពុងផ្សព្វផ្សាយភាពយន្តថ្មី "Downsizing”។

តារារូបនេះទើបតែត្រូវគេមិនពេញចិត្តចំពោះពាក្យពេចន៍ ដែលលោកបាននិយាយពាក់ព័ន្ធការបៀតបៀនផ្លូវភេទនៅហូលីវូដកាលពីសប្ដាហ៍មុន ក្នុងកិច្ចសម្ភាសន៍មួយជាមួយសារព័ត៌មាន ABC News ក្នុងកម្មវិធី "Popcorn With Peter Travers,” ។

“វាមានភាពខុសគ្នារវាងប៉ះពាល់កំប៉េះគូទ និងចាប់រំលោភឫបៀតបៀនផ្លូវភេទលើកុមារ មែនទេ? អាកប្បកិរិយាបែបនេះគឺត្រូវតែប្រឈមមុខច្បាប់ និងការដោះស្រាយផ្សេងៗដោយមិនចាំបាច់សួរនាំអ្វី ប៉ុន្តែអំពើទាំងពីរនេះគឺមិនគួររាប់បញ្ចូលគ្នាទេ មែនទេ?” លោកបាននិយាយដូច្នេះ។

Damon បាននិយាយថារឿងរ៉ាវពាក់ព័ន្ធនិងអ្នកនយោបាយម្នាក់ដែលទើបតែប្រកាសលាលែងពីតំណែងថ្មីៗ បន្ទាប់ពីត្រូវនារីៗ៨នាក់ប្ដឹងលោកថាបានប៉ះពាល់និងថើបពួកគេទាំងបង្ខំ គឺមិនមានលក្ខណៈដូចគ្នាទៅនឹងករណីរបស់ផលិតករ Weinstein នោះឡើយ ព្រោះវាមានតាំងពីការបៀតបៀននិងចាប់រំលោភ។

ទោះជាយ៉ាងណាក៏ដោយ ក៏មានតារាស្រីៗប៉ុន្មានអ្នកបាននិយាយទាក់ទងនិងបញ្ហានេះផងដែរ ដោយចោទប្រកាន់ Matt Damon គួរតែឈប់និយាយពីបញ្ហានេះ រាប់បញ្ចូលទាំងអតីតសង្សារលោក អ្នកនាង Alyssa Milano ជាដើម។

Damon ក៏បាននិយាយមួយឃ្លាចុងក្រោយប្រាប់ Bussiness Insider ថាលោកមិនប្រកាន់ទេ បើសិនជាត្រូវធ្វើការជាមួយមនុស្សប្រុសដែលធ្លាប់ត្រូវគេចោទប្រកាន់ថាធ្លាប់បៀតបៀនផ្លូវភេទនោះ៕

អានអត្ថបទ៖

ប្រភព៖ Businessinsider ប្រែសម្រួល៖ ធារ៉ូ