កប់! Trailer ភាពយន្តថ្មីពីអ្នកដឹកនាំរឿង "Lord of the Ring”

2017-12-19 07:32:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីភាពយន្តទីបីរបស់ខ្សែរឿង "The Hobbit” បានបញ្ចេញកាលពីឆ្នាំ ២០១៤ អ្នកដឹកនាំនិងផលិតករ Peter Jackson បានអវត្តមានពីវិស័យភាពយន្តទាំងស្រុង ទើបតែពេញនេះលោកបានបញ្ចេញ Trailer ភាពយន្តបែបវិទ្យាសាស្ត្រនិងស្រមើស្រមៃ (Sci-fi/Fantasy) រឿង "Mortal Engines” ដោយលោកជាផលិតករ។

ភាពយន្តនេះត្រូវបានដកស្រង់ពីសៀវភៅរឿងនិពន្ធដោយលោក Phillip Reeves ដែលមានលោក Chirstian Rivers ដែលធ្លាប់បានទទួលខុសត្រូវផ្នែក បច្ចេកទេសរូបភាពក្នុងសែស្រឡាយរឿង "Lord of the Rings” និងធ្លាប់រួមចំណែកខ្លះក្នុងការដឹកនាំខ្សែរឿង "The Hobbit” មកធ្វើជាអ្នកដឹកនាំរឿងវិញម្ដង។

ក្នុង Trailer នេះបានបង្ហាញពីទីក្រុងដ៏ធំមួយអាចធ្វើដំណើរបាន ដូចបានសរសេរនៅក្នុងសៀវភៅរឿងអីចឹងដែរ។ ទីក្រុងនោះឈ្មោះថា London ដែលមានរូបរាងធំដូចជាភ្នំ ព្រមទាំងធ្វើដំណើរគ្រប់ទីកន្លែងដើម្បីស្វែងរកធនធាន។ រឿង "Mortal Engines” នេះអាចនឹងថតជាខ្សែរឿងមិនឲ្យចាញ់ "Lord of the Ring” ឫ "The Hobbit” ទេ។

“Mortal Engines” នឹងចាប់ដាក់បញ្ចាំងនៅថ្ងៃទី១៤ខែធ្នូឆ្នាំ២០១៨៕

ទស្សនាវីដេអូ Trailer ខាងក្រោម៖