ធុញទ្រាន់អ៊ីមែល Promotion ច្រើនពេក Google ចេញមុខងារថ្មី ដឹងតែពេញចិត្ត

2017-12-20 02:57:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើគណនី Gmail ប្រហែលជាធ្លាប់ឃើញមាននូវអ៊ីមែល Promotion ជាច្រើនអ្នកមិនបានចាំធ្លាប់ចុះឈ្មោះតាំងពីពេលណា។ បច្ចុប្បន្ន Google បានចេញមុខងារថ្មីមួយធ្វើឲ្យអ្នកងាយស្រួលក្នុងការ Unsubscribe ពីអ៊ីមែល Promotion ទាំងនោះដែលអ្នកមិនធ្លាប់បានពិនិត្យយ៉ាងហោចណាស់រយៈពេលមួយខែ។

មុខងារថ្មីនេះ ដំណើរការទាំងលើគេហទំព័រ និងលើទូរស័ព្ទ ដោយមាន Card ថ្មីមួយឈ្មោះ Inbox Tip ដែលសួរអ្នកប្រសិនបើអ្នកចង់ Unsubscribe ពីអ៊ីមែលណាមួយ។ មុខងារថ្មីនេះមិនទាន់មានប្រើគ្រប់គ្នានោះទេ ដោយសារពុំទាន់ឃើញមានរបាយការណ៍អាចប្រើបានលើ OS របស់ Apple រួមទាំង iOS ផងដែរ ប៉ុន្តែក៏ប្រហែលជាមិនយូរនោះដែរ។ ម្យ៉ាងវិញទៀត មុខងារថ្មីនេះនៅមានព្រំដែនដោយដំណើរការបានតែអ៊ីមែល ដែល Google កំណត់ជា Promotion ដូច្នេះអ្នកនៅតែត្រូវក្រឡេកមើលក្នុង Inbox។

ថ្មីៗនេះ Google បានប្រកាសនូវមុខងារឆ្លើយតបវៃឆ្លាត (Smart reply) ដែលធ្វើការឆ្លើយតបទៅនឹងអ៊ីមែលបញ្ជូនមកដោយស្វ័យប្រវត្តិ។ ក្រៅពី Smart reply និងការត្រួតពិនិត្យមើលក្នុង Inbox ក្រុមហ៊ុនបានធ្វើកំណែទម្រង់ថ្មី ដោយអាចឲ្យ Gmail ធ្វើការបម្លែងលេខទូរស័ព្ទ និងអ៊ីមែលដោយស្វ័យប្រវត្តិទៅជា Automatic hyperlinks ដូច្នេះអាចសន្សំសំចៃពេលវេលាអ្នកប្រើប្រាស់ក្នុងការ Copy និង Paste៕