Apple អាចនឹងប្រកាសចេញផលិតថ្មីបន្ថែមទៀតក្នុងខែនេះ
- 2018-10-09 03:55:00
- ចំនួនមតិ 0 | ចំនួនចែករំលែក 0
Apple អាចនឹងប្រកាសចេញផលិតថ្មីបន្ថែមទៀតក្នុងខែនេះ
ចន្លោះមិនឃើញ
ផលិតផលថ្មីរបស់ Apple រួមមាន iPhone XS, XS Max និង Apple Watch Series 4 ទើបនឹងចេញទេ ប៉ុន្តែបើពិនិត្យមើលប្រតិទិននៃឆ្នាំមុនៗ ទំនងជាមានព្រឹត្តិការណ៍មួយទៀតក្នុងខែតុលានេះ។
Apple មិនទាន់ប្រកាសព្រឹត្តិការណ៍ខែតុលានៅឡើយទេ ប៉ុន្តែ Apple មានព្រឹត្តិការណ៍ក្នុងខែតុលា ៦ ដងរួចមកហើយ ៨ ឆ្នាំមុន លើកលែងតែឆ្នាំ ២០១៥ និង ២០១៧។ ព្រឹត្តិការណ៍ខែតុលាកន្លងមក ភាគច្រើនផ្ដោតលើ Mac, iPad ឬទាំងពីរតែម្តង លើកលែងតែខែតុលា ឆ្នាំ ២០១១ Apple ប្រកាសចេញ iPhone 4S ជាមួយ Siri។
Google កំពុងរៀបចំព្រឹត្តិការណ៍មួយនៅថ្ងៃទី ០៩ ខែតុលា ក្នុងទីក្រុងញូវយ៉ក ដែលអាចរំពឹងពីវត្តមានស្មាតហ្វូន Pixel 3។ Apple អាចថាមិនត្រូវការចិត្តទន់ចំពោះព្រឹត្តិការណ៍របស់ Google ប៉ុន្តែក៏មិនចង់ផ្តល់ផលពិបាកដល់អ្នកសារព័ត៌មានមានពេលវេលាតិចតួច បង្ខំហោះហើរពីទីក្រុងញូវយ៉ក ទៅ Cupertino ចម្ងាយ ៣០០០ម៉ាយដែរ។ Apple ជាធម្មតាអញ្ជើញអ្នកសារព័ត៌មានចូលរួមព្រឹត្តិការណ៍ ៧ ទៅ ៨ ថ្ងៃមុនព្រឹត្តិការណ៍កើតឡើង។ ជាចំណុចចាប់អារម្មណ៍មួយដែរ អាចថា iPhone XR នឹងមានក្នុងប្រធានបទនៃព្រឹត្តិការណ៍។ ត្បិត Apple ចេញស្មាតហ្វូនមានពណ៌ចម្រុះកាលខែកញ្ញា ប៉ុន្តែការបញ្ជាទិញទុកមុន មាននៅថ្ងៃទី ១៩ ខែតុលា។
ជារួម ព្រឹត្តិការណ៍ថ្មីបន្ទាប់របស់ Apple អាចនឹងមាននៅចន្លោះពីថ្ងៃទី ១៦ ទៅ ២៥ ខែតុលា ជាមួយនឹងព័ត៌មានបន្ថែមពី iPhone XR, ការរចនារូបរាងថ្មីរបស់ម៉ូដែល iPad Pro ជាមួយ Face ID ហើយអេក្រង់លាតធំជាងមុន, MacBook កម្រិតដំបូង ឬជាប្រភេទ MacBook Air ថ្មី រួមទាំង iMac និង Mac Mini។ មួយវិញទៀត AirPower ដែល Apple បាននិយាយថា នឹងចេញក្នុងឆ្នាំ ២០១៨ ក៏ប្រហែលមានក្នុងព្រឹត្តិការណ៍នោះដែរ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ