Shanghai SIPG នឹងស្វាគមន៍ Buriram នៅសៀងហៃដូចគ្រោងទុក ទោះមានផ្ទុះវីរុសកូរ៉ូណា

2020-01-27 06:09:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតរវាងក្លឹបចិន Shanghai SIPG នឹងក្លឹបថៃ Buriram United ក្នុងក្របខ័ណ្ឌប្រកួតជម្រុះវគ្គ Play-Off នៃ AFC Champions League នឹងប្រព្រឹត្តនៅថ្ងៃទី២៨ ខែមករា ដូចការគ្រោងទុក នេះបើតាមសេចក្ដីថ្លែងការណ៍របស់សហព័ន្ធបាល់ទាត់ចិន។

កីឡាករ Buriram United ពាក់ម៉ាសនៅពេលធ្វើដំណើរទៅកាន់ប្រទេសចិន

យ៉ាងណាមិញ ក្នុងប្រកួតនេះដែរ នឹងត្រូវលេងក្នុងកីឡដ្ឋានទទេ ពោលគឺមិនអនុញ្ញាតឲ្យទស្សនិកជនចូលរួមទស្សនា ដោយសារតែចង់បញ្ចៀស និងទប់ស្កាត់ការឆ្លងនូវវីរុសកូរ៉ាណា ដែលផ្ទុះឡើងដំបូងនៅទីក្រុងអ៊ូហាន (Wuhan) កាលពីខែធ្នូ ឆ្នាំ២០១៩កន្លងទៅ។

បើតាមការចុះផ្សាយរបស់សារព័ត៌មាន ESPN បានឲ្យដឹងថា ភាគីក្លឹប Buriram United បានស្នើឲ្យធ្វើការពន្យារការប្រកួតរហូតដល់ស្ថានភាពមានការធូរស្បើយ ប៉ុន្តែសំណើនេះត្រូវបានបដិសេធដោយសហភាពបាល់ទាត់អាស៊ី។

ទាក់ទិននឹងការផ្ទុះឡើងនៃវីរុសនេះដែរ ព្រឹត្តិការណ៍កីឡាមួយចំនួនដូចជា ព្រឹត្តិការណ៍បាល់ទាត់នារី វគ្គជម្រុះអូឡាំពិកប្រចាំទ្វីបអាស៊ីក៏បានផ្លាស់ប្ដូរទីតាំងពីទីក្រុងអ៊ូហាន មកកាន់ទីក្រុងណានជីង៕

ប្រភព៖ ESPN FC | Xinhua | AFC ប្រែសម្រួល៖ ហ៊ីម រស្មី