រូបមួយសន្លឹកនេះចាក់ដោតណាស់ ថែមពេលនេះពួកគេមានវាសនាមិនខុសគ្នាទៀត

2018-03-02 03:37:45
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាប្រហែលជាស្គាល់បុរសទាំងពីរនេះ ខាងឆ្វេងគឺលោកគ្រុយ វណ្ណា អ្នកបង្កើតក្តារចុចឆ្លាតវៃចំណែកខាងស្តាំគឺលោក នៅ សំណាង អ្នកបង្កើតពុម្ពអក្សរខ្មែរអាក្បាលធំ។

លោកគ្រុយ វណ្ណា(ខាងឆ្វេង) លោក នៅ សំណាង (ខាងស្តាំ)

អ្នកទាំងពីរបានបង្កើតសមិទ្ធផលមិនអាចកាត់ថ្លៃបាន ជាប្រយោជន៍ដល់សង្គម។ ប៉ុន្តែនិយាយពីវិថីជីវិតរបស់ពួកគេពេលនេះមិនខុសគ្នាទេ កំពុងស្ថិតក្នុងស្ថានភាពរដាក់រដុបមិនចាញ់គ្នាឡើយ។

លោក គ្រុយ វណ្ណា បានចាកចេញពីក្រុម Alien DEV ជាក្រុមអភិវឌ្ឍក្តារចុចឆ្លាតវៃដោយគ្មានមូលហេតុ។ ការចាកចេញនេះត្រូវបានអ្នកខាងក្រៅគិតថា កើតឡើងដោយសារមានជម្លោះក្នុងក្រុម ទោះបីពេលនេះមិនទាន់មានការបកស្រាយបញ្ចប់ការសង្ស័យនេះ។ ទើបតែដើមឆ្នាំ ២០១៨ លេចឮដំណឹងថា លោកគ្រុយ វណ្ណា ក្រោយការចាកចេញពីក្រុម Alien Dev កំពុងធ្វើការនៅក្រុមហ៊ុនជប៉ុនមួយនៅទីក្រុងភ្នំពេញ។

ចំណែកលោកនៅ សំណាង អ្នកបង្កើតពុម្ពអក្សរខ្មែរអាក្បាលធំ ក៏មានដំណើរផ្លូវមិនសូវល្អដែរ។ លោកបានបង្កើតពុម្ពអក្សរអាក្បាលធំ ដោយមិនគិតកម្រៃនោះទេ ទោះបីកន្លងទៅលោកធ្លាប់ទាមទារប្រយោជន៍ពីម្ចាស់អាជីវកម្ម ដែលលួចប្រើប្រាស់ពុម្ពអក្សររបស់លោកដោយគ្មានការអនុញ្ញាត។

បច្ចុប្បន្ន លោកកំពុងប្រកបរបររត់កង់បី ដើម្បីចិញ្ចឹមជីវិតបន្ទាប់ពីមុខរបរមុនៗបានដួលរលំជាបន្តបន្ទាប់។ លោកក៏បានឆ្លៀតពេលធ្វើពុម្ពអក្សរខ្មែរ នៅពេលទំនេរ។ លោកធ្លាប់បានអំពាវនាវឲ្យសប្បុរសជនជួយឧបត្ថម្ភថវិកា ដើម្បីលោកមានលទ្ធភាពទិញកុំព្យូទ័រល្អមួយគ្រឿង ដើម្បីប្រើប្រាស់ក្នុងការងារ។

លោកបានប្រាប់ Sabay ថា ជីវភាពគ្រួសាររបស់លោកក៏មិនធូរធារអីដែរ សូម្បីតែផ្ទះរស់នៅក៏ជួលគេដែរ អីចឹងត្រូវការគាំទ្រពីអ្នកគ្រប់គ្នា៕