ចំណុចខ្វះខាតនេះរារំាង ស៊ិន កក្កដា សម្រេចទីអត់បានល្អ

2018-03-05 02:07:35
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនលេចធ្លោរបស់ភ្នំពេញក្រោន ស៊ីន កក្កដា សម្រេចទីមិនបានល្អឡើយនៅពេលភ្នំពេញក្រោនទទួលបានជ័យជម្នះដោយតឹងតែងលើក្រុមសូទីលូអង្គរ ១-០ សម្រាប់ការប្រកួតសប្តាហ៍ទីមួយនៃការប្រកួតជើងឯកបាល់ទាត់ជាតិ។

ស៊ីន កក្កដា ដែលលេងបម្រើប្រយុទ្ធស្លាបមានឱកាសជាច្រើន ជាពិសេសចុងវគ្គទី២ឈរស៊ុតម្នាក់ឯង ខណៈខ្សែការពាររបស់សូទីលូអង្គរស្ទើរភ្លឹកទៅហើយ ប៉ុន្តែរូបគេស៊ុតបុកបង្គោលទីទៅវិញ។ ជុំវិញការសម្រេចទីមិនល្អនេះ រូបគេបាននិយាយថា ៖«ការប្រកួតនេះ ខ្ញុំមានឱកាសច្រើន តែធ្វើមិនបានល្អ»។

Chelsea ស៊ុតមិនចំគោលដៅសូម្បី១ជើង ក្នុងបរាជ័យទល់នឹង Man City

កក្កដាបន្តថា ៖«និយាយទៅការសម្រេចទីមិនល្អនេះ ដោយសារបច្ចេកទេសរបស់ខ្ញុំអត់ដល់។ បច្ចេកទេសការទាត់បញ្ចូលទីរបស់ខ្ញុំនៅមានកម្រិត ហើយកម្លាំងរបស់ខ្ញុំក៏ខ្សោយនៅចុងតង់ អីចឹងហើយធ្វើឲ្យខ្ញុំសម្រេចទីអត់ល្អ»។

ស៊ីន កក្កដាបញ្ជាក់ថា រូបគេមិនភ័យឡើយសម្រាប់ការប្រកួតកាលពីថ្ងៃសៅរ៍កន្លងទៅនេះ ពីព្រោះរូបគេធ្លាប់លេងឲ្យក្រុមយុវជនជម្រើសជាតិកម្ពុជាក្នុងតំណែងបម្រើប្រយុទ្ធស្លាប និងរកគ្រាប់បាល់ថែមទៀតផង។

សម្រាប់ការប្រកួតសប្តាហ៍ទី១ឃើញថា នៅតំបន់ជួរមុខរបស់ភ្នំពេញក្រោននៅមិនទាន់សហការគ្នាបានល្អឡើយ ហើយឱកាសមាសក៏មានតិចតួច។ គ្រាប់បាល់ជ័យជម្នះដែលធ្វើឲ្យម្ចាស់ផ្ទះរកបាន៣ពិន្ទុគឺដោយសារបាល់ពិន័យ១១ម៉ែត្រតែប៉ុណ្ណោះ។ អ្វីដែលគួរឲ្យចាប់អារម្មណ៍ គឺតំបន់ការពាររបស់របស់សូទីលូអង្គរពិតជាល្អ និងរឹងមាំដែលធ្វើតំបន់ជួរមុខរបស់ភ្នំពេញក្រោនរបង្កើតឱកាសស្ទើរមិនចង់បាន៕