“A Wrinkle in Time” ជាភាពយន្តបរាជ័យដំបូងរបស់ Disney ឆ្នាំថ្មីនេះ? (វីដេអូវិភាគ)

2018-03-12 08:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយមានការចូលរួមពីតារាល្បីៗជាច្រើនរូបដូចជា Oprah Winfrey, Reese Witherspoon, Mindy Kaling, Chris Pine, Zach Galifianakis និង Michael Pena ជាដើម ព្រមទាំងចំណាយដើមទុនដល់ទៅ ១០៣លានដុល្លារ "A Wrinkle in Time” គឺជាភាពយន្តដែលមានមហិច្ឆតាខ្ពស់ និងសារដ៏មានន័យ ប៉ុន្តែក៏ជាភាពយន្តដែលធ្វើឲ្យទស្សនាខកបំណងទាំងមិនអស់ចិត្ត។

គិតមកត្រឹមពេលនេះ "A Wrinkle in Time” ទទួលបានពិន្ទុតែ ៤/១០ តែប៉ុណ្ណោះ ព្រមទាំងរកចំណូលបានតិចជាងការរំពឹងទុក គឺគ្រាន់តែ ៣៣,៣លានដុល្លារតែប៉ុណ្ណោះ តិចជាងការរំពឹងទុកខ្លាំងចំពោះសប្ដាហ៍ដំបូង ដោយដើមទុនចំណាយដើម្បីផលិតគឺដល់ទៅជាង ១០៣លានដុល្លារឯណោះ។

ដើមទងនៃភាពយន្តនេះនិយាយអំពីក្មេងស្រីម្នាក់ឈ្មោះ Meg បានបាត់បង់ឪពុករបស់ខ្លួនជាអ្នកវិទ្យាសាស្ត្រមួយរូប។ ក្នុងពេលមួយ Meg បានជួបជាមួយអ្នកមានថាមពលទាំង ៣ រូបនៅក្នុងសកលលោក (Universe) គឺ Mrs. Which, Mrs. Whatshit និង Mrs. Who ដោយបានបើកបង្ហាញផ្លូវនាង ដើម្បីទៅរកឪពុកខ្លួន ដោយបានចូលរួមជាមួយប្អូនប្រុស Charles Wallce និង Calvin ជាមិត្តភ័ក្ដិរបស់នាង។

ភាពយន្តនេះពោរពេញទៅដោយ ទេសភាពប្លែកៗ និងប្រកបទៅដោយអាថ៌កំបាំងផ្សេងៗ ដែលមាននៅពោរពេញសកលលោកដ៏ធំមិនអាចគណនាបាន។ តួអង្គក្មេងៗទាំងអស់ដែលបានមកដល់ទីតាំងនោះ ត្រូវប្រឈមមុខនឹងឧបសគ្គជាច្រើន និងការដកពិសោធន៍ផ្សេងៗគួរឲ្យចាប់អារម្មណ៍។

ក៏ប៉ុន្តែ ភាពយន្តនេះនៅមានភាពខ្វះខាតជាច្រើន ចំពោះការបំពេញអត្ថន័យសាច់រឿងឲ្យមានន័យច្បាស់លាស់និងបំពេញអារម្មណ៍អ្នកទស្សនា។ ការបង្ហាញផ្សេងៗទាំងទងនឹងតួអង្គទាំងអស់គឺងាយស្រួលនឹងភ្លេច ពោលគឺមិនមានចំណុចសំខាន់ៗណា ដែលអាចឲ្យអ្នកទស្សនាចាប់អារម្មណ៍និងចាប់ចិត្តស្រលាញ់តួអង្គណាមួយ។

ចំពោះមតិបណ្ដាអ្នកស្រលាញ់ភាពយន្តខ្លះបានសារភាពថា គេពេញចិត្តនូវអ្វីដែល "A Wrinkle in Time” បានបង្ហាញប៉ុន្តែវាមិនបានផលិតឲ្យមនុស្សពេញវ័យទស្សនានោះទេ។ ពោលនេះគឺជាភាពយន្តមួយក្នុងចំណោមភាពយន្តចាស់ៗ ដូចជា "Hook”, “Time Bandits” និង "Return to Oz” ជាដើមដែល បានធ្វើឲ្យអ្នកទស្សនាវ័យក្មេងជាច្រើនពេញចិត្ត៕