ប៉ុន្មានសន្លឹកថតចេញពី P20 Pro កាមេរ៉ា ៣ គ្រាប់ ឃើញអាចបាក់ចិត្ត

2018-03-28 12:20:23
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញក្រុមហ៊ុន Huawei ទើបតែដាក់បង្ហាញនូវត្រកូលស្មាតហ្វូន P20-Series ដោយចំណុចរសើបត្រង់ P20 Pro មានប្រើ កាមេរ៉ា ៣ គ្រាប់ ដោយមួយគ្រាប់លោតដល់ទំហំ 40MP ។ លទ្ធផលសម្រង់ចេញពី DxOMark បានវាយតម្លៃកាមេរ៉ាលើម៉ូឌែល P20 Pro ថាឈរចំណាត់ថ្នាក់ទី ១ តាមដោយ P20 ហើយទម្លាក់ Galaxy S9+ និង Pixel 2 ឲ្យខ្ទាតដល់លេខ ៣ និងលេខ ៤។

ដោយ Huawei P20 Pro ទទួលបានពិន្ទុសរុបដល់ទៅ ១០៩ បែកចេញពីគុណភាពថតរូបសន្លឹកបាន ១១៤ និងការថតវីដេអូបាន ៩៨។ លទ្ធផលវាយតម្លៃទៅតាមគុណភាពកាមេរ៉ាទាំង ៣ គ្រាប់ដោយមានមួយជាប្រភេទ RGB Lens ទំហំ 40MP មាន Aperture f/1.8 និងគ្រាប់ទី ២ ប្រភេទ Monochrome Lens ទំហំ 20MP មាន Aperture f/1.6 ខណៈគ្រាប់ទី ៣ ប្រភេទ Telephoto Lens ទំហំ 8MP មាន Aperture f/2.4 អាចប្រើមុខងារ Hybrid Zoom ដល់កម្រិត 5x។

ចំណែកឯ P20 ដែលមាន ១០២ ពិន្ទុឈរនៅលំដាប់ទី ២ មានកាមេរ៉ាភ្លោះធម្មតា ដោយរូបសន្លឹកទទួលបាន ១០៧ និងការថតវីដេអូបាន ៩៤ ខណៈគ្រាប់ទី ១ ជាប្រភេទ RGB Lens ទំហំ 12MP មាន Aperture f/1.8 និងគ្រាប់ទី ២ ជា Monochrome Lesn ទំហំ 20MP មាន Aperture f/1.6។

លទ្ធផលនេះសោតវ៉ាដាច់លើ Galaxy S9 Plus ដែលជាអតីតតំណែងស្មាតហ្វូនផ្នែកកាមេរ៉ាល្អផ្តាច់គេមាន ៩៩ ពិន្ទុ និង Pixel 2 មាន ៩៨ ពិន្ទុ ហើយក្រឡេកទៅ iPhone X/Mate 10 Pro និង Mi Mix 2S កាន់តែដាច់ឆ្ងាយមានត្រឹម ៩៧ ពិន្ទុប៉ុណ្ណោះ។

ខាងក្រោមបង្ហាញពីរូបភាពដែលថតចេញពីកាមេរ៉ា Huawei P20 Pro: