ចាន់ កែវនិមល បញ្ជាក់ទំនាក់ទំនងស្នេហាជាមួយ ជា វិបុល

2018-03-29 06:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកមានពាក្យចចាមអារ៉ាមមួយ និងសារព័ត៌មានមួយចំនួនបាន ចេញផ្សាយថាពិធីការិនីសម្បូរទៅដោយពាក្យពេចន៍មិនចេះរីងស្ងួតអ្នកនាង គង់ សុជាតិ កំពុងតែកើតក្ដីប្រច័ណ្ឌក្នុងចិត្ត ចំពោះស្វាមីគឺ ជា វិបុល ជាមួយនឹងដៃគូរបស់លោកគឺអ្នកនាង ចាន់ កែវនិមល។

ពាក់ព័ន្ធករណីខាងលើនេះពិធីការិនី ចាន់ កែវនិមល បាននិយាយថា ចំពោះរឿងរ៉ាវថា ខ្លួនមានទំនាក់ទំនងស្នេហ៍ជាមួយ ជា វិបុល ដល់ថ្នាក់ធ្វើឲ្យ គង់ សុជាតិ ប្រច័ណ្ឌនោះមិនមែនជារឿងពិតឡើយ។ ដូច្នេះ នាង សុំច្រានចោលចំពោះការលើកឡើងបែបនេះ ព្រោះម្នាក់ៗសុទ្ធតែមានស្វាមី និងប្រពន្ធកូនរួចទៅហើយ។

ស្ថិតនៅក្នុងទឹកមុខអស់សំណើច ចាន់ កែវនិមល បាននិយាយថា៖" ដូចអត់មានទេ រឿងបង ជាតិ ប្រច័ណ្ឌ ខ្ញុំជាមួយបង បុល ព្រោះគាត់ទាំងពីរសុទ្ធតែជាអ្នកសិល្បៈ ហើយខ្ញុំស្រឡាញ់ និងទុកពួកគាត់ទាំងពីរជារៀមច្បងគំរូក្នុងសិល្បៈ"។

ទោះបីជាមានពាក្យចចាមអារ៉ាមបែបនេះក្ដីទំនាក់ទំនង ចាន់ កែវនិមល និង គង់ សុជាតិ គ្មានអ្វីប្រែប្រួលនោះទេ នៅតែស្រឡាញ់រាប់អានគ្នាដូចដើម ជួបគ្នាម្ដងៗតែងតែបង្ហាញស្នាមញញឹម និងសួរពីសុខទុក្ខគ្នាជានិច្ច។

ពិធីការិនីវ័យជាង ៣០ ឆ្នាំរូបនេះបន្ថែមថា៖" ទំនាក់ទំនងនៅតែធម្មតាឲ្យប្រែប្រួលយ៉ាងម៉េច បើរឿងបងជាតិ ប្រច័ណ្ឌបង និងបងបុល មិនមិនជាការពិតផងហ្នឹង"។

ជា វិបុល និង ចាន់ កែវនិមល ចាប់ដៃគូជាមួយគ្នាក្នុងនាមជាពិធីការិនី និងពិធីករលើកដំបូងអំឡុងឆ្នាំ ២០១៤ នៅទូរទស្សន៍ហង្សមាសក្នុងកម្មវិធី "The Voice Cambodia រដូវកាលទី១ បើគិតមកដល់ពេលនេះមានរយៈពេល ៤ ឆ្នាំហើយ។

អត្ថបទ៖ ឆុង ស៊ីណាន