DJ រូបស្អាតនៅថៃ ត្រូវប៉ូលិសចាប់ខ្លួនពាក់ព័ន្ធនឹងគ្រឿងញៀន

2018-04-12 03:27:30
ចំនួនមតិ 0 | ចំនួនចែករំលែក 0

ចន្លោះមិនឃើញ

“DJ Katoy” រួមនឹងមិត្តភ័ក្ដិចំនួន ៥នាក់ ត្រូវបានប៉ូលិសចាប់ខ្លួនពាក់ព័ន្ធនឹងករណីគ្រឿងញៀន កាលពីព្រឹកថ្ងៃទី១១មេសាម្សិលមិញ នៅក្លឹប Burn ស្ថិតក្នុងទីក្រុងប៉ាតាយ៉ា ប្រទេសថៃ។

តារាអ៊ីនធឺណិត និងជា DJ ដ៏ល្បីរូបនេះ មានឈ្មោះពិតហៅថា Kannikar Namwicha អាយុ២៤ឆ្នាំ។ ក្រោយការចាប់ខ្លួន DJ Katoy បានឆ្លើយសារភាពថា នាងពិតជាបានប្រើប្រាស់កេតាមីន (ប្រភេទគ្រឿងញៀនម៉្យាង) រយៈពេល៣ថ្ងៃកន្លងមកហើយ តែការប្រើនេះគឺធ្វើដើម្បីទទួលបានការងារនៅក្លឹបខាងលើតែប៉ុណ្ណោះ។

នៅលើគណនីហ្វេសប៊ុក DJ Katoy ដែលមានអ្នក Follow ជាង១លាននាក់ បានសរសេរបង្ហោះថា បច្ចុប្បន្ន ប៉ូលិសបានយកទឹកនោមរបស់នាងទៅធ្វើកោសល្យវិច័យនៅបាងកក ហើយនាងនឹងត្រូវចូលខ្លួនបំភ្លឺនៅប៉ុស្តិ៍ប៉ូលិសម្ដងទៀតនាថ្ងៃទី១១ ខែឧសភាខាងមុខ។ DJ រូបនេះ សរសេរបន្តថា៖ "សូមកុំសួរខ្ញុំពីរឿងទាំងនោះទៀត។ អរគុណណាស់សម្រាប់ការយោគយល់ ហើយខ្ញុំពិតជាសុំទោសដែលធ្វើឲ្យអ្នកដែលស្រឡាញ់ខ្ញុំខកចិត្តដូច្នេះ"។

ក្រៅពី DJ Katoy ប៉ូលិសថៃក៏បានចាប់ខ្លួនអ្នកគ្រប់គ្រងក្លឹបនៅទីនោះផងដែរ។ ជនសង្ស័យមានឈ្មោះថា Anapat Ruangurai វ័យ៥០ឆ្នាំ ត្រូវចោទពីបទបើកកន្លែងកម្សាន្តហួសម៉ោងកំណត់ ហើយគ្មានអាជ្ញាប័ណ្ណ និងលក់គ្រឿងស្រវឹងនៅម៉ោងហាមឃាត់៕

ប្រភព៖ Coconut ប្រែសម្រួល៖ ឈាង