មកទស្សនាព្រះរាជសកម្មភាពសម្ដេចតា សម្ដេចយាយ សម្តែងចំនួន៣រឿង ពិតអស្ចារ្យ

2018-04-23 03:24:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រះបរមរតនកោដ្ឋ ទ្រង់សព្វព្រះហឫទ័យក្នុងការសម្ដែងរឿងជាមួយសម្ដេចយាយជាច្រើនរឿង។ រឿងទាំងនេះកាលបើបានទស្សនាហើយ ពិតអត់ទ្រាំមិនសរសើរមិនបាន នូវទេពកោសល្យនៃការសម្តែង រួមទាំងរូបសម្រស់ដ៏ស្រស់ស្អាតទាំង២ព្រះអង្គ។ ពេលនេះ Sabay សូមលើកយក៣រឿង ដែលជាព្រះរាជសកម្មភាពសម្ដែងរបស់សម្ដេចតា និងសម្ដេចយាយ ដែលមាននៅក្នុងឯកសារបន្សល់ទុកដោយមជ្ឈមណ្ឌលធនធានសោតទស្សន៍បុប្ផាណា។

១.សន្ធិប្រកាស

រឿងនេះផលិតក្នុងឆ្នាំ ១៩៦៨ ជាប្រភេទរឿងប្រឌិត ដែលមានរយៈពេល ១ម៉ោងនិង៩នាទី ។ ខ្សែភាពយន្តល្អឯកនេះបានផ្តិតនៅក្នុងទីតាំងសំខាន់នៅក្នុងប្រទេសកម្ពុជា និងប្រទេសក្រៅ ក្នុងនោះមានដូចជា ខេត្តសៀមរាប កែប និង ព្រះសីហនុ ។ រឿងនេះជាសមិទ្ធការរបស់ ព្រះបាទ នរោត្តមសីហនុ ដែលនិយាយពីសង្គមនយោបាយ។

២. ឆាយាលើអង្គរ

រឿងលក្ខណៈសង្គមនយោបាយនេះ ផលិតក្នុង ឆ្នាំ ១៩៦៧ ជាប្រភេទរឿង ប្រឌិត មានរយៈពេល ១ម៉ោង៤៥នាទី និង៥៩វិនាទី។ រឿងនេះជាព្រះរាជនិពន្ធដោយព្រះបាទនរោត្តមសីហនុ ហើយជាសមិទ្ធការរបស់ព្រះអង្គ និង លោក ហ្សង ធន់ហាក់។ ក្រៅពីព្រះរាជសកម្មភាពសម្ដែងរបស់សម្ដេចយាយ និងសម្ដេចតា ក៏មានតារាសម្ដែងដ៏ល្បីឈ្មោះមាន លោក ណុប ណែម និង អ្នកស្រី ឌី សាវ៉េត សម្ដែងផងដែរ។

៣. ព្រៃប្រសិទ្ធិ

រឿងនេះផលិតនៅក្នុងឆ្នាំ ១៩៦៦ មានរយៈពេល ១ម៉ោង៤០នាទីនិង៤៦វិនាទី។ រឿងល្អឯកនេះជាប្រភេទរឿងប្រឌិត និយាយពីវប្បធម៌សង្គមក្នុងសម័យសង្គមរាស្រ្តនិយម។ ជាពិសេសរឿងនេះមាន ក៏មានព្រះរាជសកម្មសម្ដែង សម្ដេចព្រះរៀម បុប្ផាទេវី ផងដែរ។