ដឹងមានរថយន្ត Rolls-Royce ប៉ុន្មានគ្រឿង កំពុងប្រើប្រាស់នៅកម្ពុជា

2018-06-28 23:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមប្រភពហាងនាំចូលរថយន្តដ៏ធំមួយនៅទីក្រុងភ្នំពេញបានបង្ហើបថា នៅទីផ្សារកម្ពុជាបច្ចុប្បន្ន ចំនួនរថយន្ត Rolls-Royce កំពុងប្រើប្រាស់មានជាង ២០០ គ្រឿង។

ប្រភពហាងដែលគេស្គាល់ច្រើនសម្រាប់ការនាំម៉ាករថយន្តស៊េរីកប់ៗមកលក់បានបញ្ជាក់ថា អ្នកវិនិយោគចិនជាទីផ្សារសក្ដានុពល ដែលនាំឲ្យមានតម្រូវការរថយន្តថ្លៃៗយ៉ាងគំហុក។

ទាក់ទងទីផ្សាររថយន្ត Rolls-Royce ក្រុមហ៊ុន Motor Car Phnom Penh ដែលក្រុមហ៊ុននាំចូលរថយន្ត Rolls-Royce ជាផ្លូវការ បានទទួលស្គាល់កំណើនការលក់រថយន្ត Rolls-Royce នៅទីផ្សារកម្ពុជា។

ក្រុមហ៊ុនបានឲ្យដឹងថា ជាគោលការណ៍ក្រុមហ៊ុនមិនអាចបញ្ចេញចំនួនលក់ជាក់ស្តែងបានទេ តែចាប់តាំងពីការចាប់ផ្ដើមប្រតិបត្តិការជាផ្លូវការ ពលរដ្ឋកម្ពុជាបានយល់ដឹងនិងចាប់ផ្ដើមស្គាល់កាន់តែច្រើនអំពីយីហោរថយន្តប្រណិតនេះ។

ក្រុមហ៊ុនឲ្យដឹងបន្ថែមថា ការបង្ហាញរថយន្ត Rolls-Royce Phantom ថ្មីៗនេះ ក៏បានធ្វើឲ្យកម្រិតនៃការចាប់អារម្មណ៍និងចំនួនបញ្ជាទិញបានលើសពីការរំពឹងទុក។ ក្រុមហ៊ុន Rolls-Royce ទើបចាប់ផ្ដើមផលិតរថយន្តម៉ាក Cullinan ជារថយន្ត SUV ដែលប្រទេសកម្ពុជា ក៏កំពុងទន្ទឹងរង់ចាំជាលើកដំបូងសម្រាប់រថយន្តដ៏ប្រណិតនេះនៅឆ្នាំ 2018។

រហូតមកទល់ពេលនេះ ម៉ាករថយន្ត Rolls-Royce មានលក់នៅជាង 50 ប្រទេសទូទាំងពិភពលោកដោយមានបណ្តាញចែកចាយជាង 130 កន្លែង៕

ចុចអានបន្ត៖

អត្ថបទ៖ ប៊ុណ្ណារ៉ា