តារាពន្លកថ្មី Key ចង់ឲ្យអ្នកស្ដាប់បទខ្លួនទទួលបានអ្វីលើសពីចម្រៀង

2018-08-22 01:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងរូបសង្ហា Key មានឈ្មោះពិតថា អ៊ូ តុងហួរ ទើបតែបញ្ចេញបទចម្រៀងថ្មី "Late At Night” ប៉ុន្មានសប្ដាហ៍កន្លងទៅនេះ។ ទោះបីជាខ្លួនជាតារាថ្មី និងជាបទដំបូងក៏ដោយ Key ទទួលបានការគាំទ្រយ៉ាងច្រើនគួរឲ្យកត់សម្គាល់ ហើយអ្វីដែលមានការចាប់អារម្មណ៍ជាខ្លាំងនោះគឺស្ទីលចម្រៀងរបស់លោក។

ថ្មីៗនេះ Sabay បានជួបជាមួយ Key ដើម្បីសាកសួរនូវរឿងរ៉ាវជុំវិញការចាប់ផ្ដើមអាជីពជាអ្នកសិល្បៈ និងការបញ្ចេញបទចម្រៀងជាលើកដំបូង។ សព្វថ្ងៃ កំលោះសង្ហាជាអ្នកសម្របសម្រួលគម្រោង ប្រចាំក្រុមហ៊ុនក្រៅរដ្ឋាភិបាល Global Peace Foundation ប៉ុន្តែដោយសារតែស្រលាញ់ពេញចិត្តវិស័យចម្រៀង លោកក៏ឆ្លៀតពេលតែងនិពន្ធ និងថតចម្រៀងរហូតមានឱកាសបញ្ចេញបទចម្រៀងដំបូង។

ក្នុងនាមជាអ្នកច្រៀង និងសរសេរទំនុកច្រៀងដោយខ្លួនឯង តារាវ័យក្មេងរូបនេះមានបំណងចង់ឲ្យបទចម្រៀងខ្លួនមានលក្ខណៈប្លែកពីគេ ដោយមិនផ្ដោតសំខាន់តែលើរឿងរ៉ាវស្នេហាប៉ុណ្ណោះទេ ប៉ុន្តែផ្ដោតទៅលើបញ្ហាសំខាន់ៗផ្សេងៗទៀត។ បទរបស់លោក អាចនិយាយប្រាប់អំពីរឿងរ៉ាវពាក់ព័ន្ធនឹងជីវិតរស់នៅប្រចាំថ្ងៃ ឬអាចជាបទចម្រៀងជំរុញទឹកចិត្តឲ្យអ្នកស្ដាប់ ពោលគឺអាចលើសពីចម្រៀង ដោយអាចឲ្យអ្នកស្តាប់មានអារម្មណ៍ល្អ និងវិជ្ជមានឡើងវិញ។

បទចម្រៀងដំបូងពី Key "Late At Night"៖

មិនត្រឹមតែប៉ុណ្ណោះ ទោះបីជាបទចម្រៀងដំបូងគឺជាបទជាភាសាអង់គ្លេស Key ក៏បានសរសេរបទចម្រៀងជាភាសាខ្មែរបានខ្លះៗហើយ ដែលនឹងបញ្ចេញក្នុងពេលជាបន្តបន្ទាប់។

បើចង់ដឹងកាន់តែច្បាស់ទស្សនាវីដេអូសម្ភាសន៍ខាងក្រោម៖

អត្ថបទ៖ ធារ៉ូ