តារាទាំង ៥នេះ កើតមកវេចសម្ពាយសំណាងជាប់ខ្លួន ការប្ដីហើយរស់នៅដូចម្ចាស់ក្សត្រី

2018-11-14 04:39:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លាយជាបុគ្គលល្បី មានលុយចាយ និងមានសម្រស់ស្រស់ស្អាត ចាត់ទុកថាសំណាងរបស់មនុស្សម្នាក់ៗទៅហើយ ប៉ុន្តែអ្វីដែលធ្វើឲ្យមជ្ឈដ្ឋានទូទៅស្ងើចសរសើរនឹងបុណ្យព្រេងវាសនាតារាស្រីទាំងនេះ នោះគឺពួកគេសុទ្ធតែបានប្ដីដែលស្រឡាញ់នាងខ្លាំង និងមើលថែចាត់ទុកនាងប្រៀបដូចម្ចាស់ក្សត្រី។

ទោះជាយ៉ាងណា ក្នុងចំណោមតារា ដែលមានមុខក្នុងអត្ថបទថ្ងៃនេះ ក៏មានអ្នកធ្លាប់មានប្រវត្តិគូជូរចត់ ពេលជួបស្នេហ៍មិនសមប្រកប ប៉ុន្តែនាងនៅតែមានសំណាងបានជួបបុរសល្អនៅទីបំផុត។

១. តារាសម្ដែង Chompoo Araya

មនុស្សមិនតិចទេ ដែលលួចច្រណែននឹងសំណាងរបស់តារាស្រីកូនកាត់អាមេរិករូបនេះ។ នាងបានរៀបការជាមួយបុរសអ្នកមានម្នាក់ឈ្មោះ Nott Visrut កាលពីឆ្នាំ ២០១៥ ក្រោយទាក់ទងគ្នាយ៉ាងផ្អែមល្ហែមរយៈពេល ៦ឆ្នាំ។ មង្គលការរបស់អ្នកទាំង ២បានធ្វើឲ្យកក្រើកពេញពិភពសិល្បៈថៃ ឯថ្លៃចំណាយសម្រាប់ពិធីពិសេសនេះ អស់ដល់ទៅខ្ទង់លានដុល្លារ។

២ឆ្នាំបន្ទាប់ពួកគេក៏មានកូនភ្លោះ ២នាក់គឺ ផាយុ និង សាយហ្វា។ ជីវិតរបស់ Chompoo កាន់តែមានន័យថែមមួយកម្រិត និងរស់នៅជាមួយជីវិតហ៊ឺហា និងតែងមានការលើកទឹកចិត្ត ព្រមទាំងក្ដីស្រឡាញ់គ្មានទីបញ្ចប់ពីគ្រួសារទៀត។

២. តារាសម្ដែង Nune Woranuch

តារាថៃរូបនេះវិញ ក៏មិនមានស្វាមីពូកែយល់ចិត្តដែរ ទោះបីរៀបការរួចតាំងពីឆ្នាំ ២០១០ និងមកទល់ពេលនេះ មិនទាន់មានបុត្រក៏ដោយ ប៉ុន្តែពួកគេរស់នៅយ៉ាងសុខសាន្ត។ មួយវិញទៀត បន្ទាប់ពីមានស្វាមី Nune ក៏ត្រូវគេចាត់ទុកថាជាស្ត្រីម្នាក់ដែលមានទ្រព្យច្រើន រស់នៅយ៉ាងស៊ីវីល័យ និងមានការមើលថែពីស្វាមី។

៣. តារាសម្ដែង Noey Chotika

តារាម៉ូដែល និងតារាសម្ដែងម្នាក់នេះ ក៏ជាប់ឈ្មោះជានារីសំណាងម្នាក់ប្រចាំសិល្បៈដែរ។ និស្ស័យជាមនុស្សរួសរាយ មុខពេញដោយស្នាមញញឹមគ្រប់ពេលនេះ ថែមទាំងគួរឲ្យស្រឡាញ់បែបនេះហើយ ទើបទាក់ចិត្ត បុរសអ្នកមានដែលជាសហគ្រិនវ័យក្មេង Arm Maneechy ដណ្ដឹងរៀបការតែម្ដង នៅឆ្នាំ ២០១៦។

ដោយសារការចូលគ្រួសារអ្នកមាន ដូចនេះមង្គលការរបស់នាង និងស្វាមីពេលនោះក៏វិសេសវិសាលដែរ ជាមួយការចំណាយរាប់លានដុល្លារ ឯគ្រឿងអលង្ការដែលបំពាក់លើខ្លួន Noey វិញ ក៏សុទ្ធថ្លៃអស់ស្ទះដែរ។ រហូតដល់នាងមានកូនទៅហើយ ក៏ជីវិតគ្រួសារនៅតែមានន័យ ហើយតែងទទួលបានក្ដីស្រឡាញ់ពីប្ដី។

៤. តារាសម្ដែង Margie Rasri

ខែធ្នូ ឆ្នាំ ២០១៧ Margie បានរៀបការជាមួយមិត្តប្រុសកូនអ្នកមាន Pok Patsonkorn ក្រោយទាក់ទងគ្នាអស់រយៈពេល ២ឆ្នាំ។ បន្ទាប់ពីចាប់ដៃគ្នាសាងសុភមង្គលគ្រួសារ នាងត្រូវបានស្វាមីស្រឡាញ់ ថ្នាក់ថ្នមប្រៀបដូចព្រះនាង។ ពេលនេះអ្នកទាំង ២មានកូនរួមគ្នាហើយ ហើយបើតាមព័ត៌មានចុងក្រោយ កូនដំបូងរបស់ពួកគេគឺជាកូនភ្លោះទៀត។

៥. តារាសម្ដែង Janie Tienphosuwan

សម្រាប់ Janie វិញ ធ្លាប់ក្លាយជានារីរងគ្រោះ ព្រោះទារុណកម្មផ្លូវចិត្ត និងកាយ ចេញពីស្នាដៃប្ដីចិត្តកំណាច ក្រោយរៀបការលើកដំបូងក្នុងឆ្នាំ ២០១៣។ ទោះបីប្ដីទី ១របស់នាងជាមហាសេដ្ឋីមែន ប៉ុន្តែភាពផ្អែមល្ហែម Janie ទទួលបានត្រឹមតែពេលដំបូងប៉ុណ្ណោះ មានន័យថាប្ដីអ្នកមាននេះតែងធ្វើបាបវាយដំនាង ឲ្យរងចុកចាប់ឥតល្ហែ។ ដោយសារទ្រាំតទៀតលែងបាន ទើបនារីកម្សត់ Janie សម្រេចលែងលះតែម្ដងនៅឆ្នាំ ២០១៤។

Janie ធ្លាប់បាននិយាយប្រាប់អ្នកសារព័ត៌មានថា សម្រេចរៀបការជាមួយនឹងប្ដីទី ១នោះ គឺជាកំហុសធ្ងន់បំផុតក្នុងជីវិតនេះ។ នាងថែមទាំងធ្លាប់បានបង្ហាញពីស្នាមរបួសទាំងលើមុខ និងដងខ្លួនក្រោយប្ដីវាយទៅកាន់បណ្ដាញសង្គមទៀត។

ប៉ុន្តែទោះជាយ៉ាងណា នេះគ្រាន់តែជាអតីតកាលជូរចត់ ងាកមកមើលពេលបច្ចុប្បន្ន Janie ក្លាយជាភរិយាបណ្ដូលចិត្តរបស់ Mickey ហើយ ក្រោយចំណាយពេលស្គាល់ និងមើលចិត្តគ្នាមួយរយៈ។ រៀបការលើកទី ២នេះ ជាពេលវេលាដ៏សែនមានន័យបំផុតរបស់ Janie។

ត្បិតស្វាមីទី ២នេះមានវ័យក្មេងជាងនាង ដល់ទៅជាង ១០ឆ្នាំក៏ពិតមែន ប៉ុន្តែលោកស្រឡាញ់នាងណាស់ ហើយតែងថ្នាក់ថ្នម និងមើលថែគ្រប់ពេល។ ឃើញបែបនេះអ្នកគាំទ្រក៏រំភើប និងសាទរពេលឃើញ Janie ជួបស្នេហ៍ពិត និងចេះយល់ចិត្តបែបនេះ៕