អ្នកចង់ហាត់ប្រដាល់មិនអស់លុយ អាចទៅកន្លែងនេះបាន...
- 2018-12-03 06:47:49
- ចំនួនមតិ 0 | ចំនួនចែករំលែក 0
អ្នកចង់ហាត់ប្រដាល់មិនអស់លុយ អាចទៅកន្លែងនេះបាន...
ចន្លោះមិនឃើញ
អតីតអ្នកលេងគុនខ្មែរ ពេជ្រ សុផាន់ ប្រកាសរើសសិស្សគុន បង្ហាត់ដោយមិនយកលុយ មានកន្លែងស្នាក់នៅ និងហូបចុកថែមទៀតផង សំខាន់អ្នកចូលហាត់មានកាយសម្បទាល្អគ្រប់គ្រាន់ទៅបានហើយ។
លោក ពេជ្រ សុផាន់ បានឲ្យដឹងថា នេះជាការរួមចំណែកក្នុងការថែរក្សាក្បាច់គុនបុរាណខ្មែរ និងដោយចិត្តស្រឡាញ់ផងនោះ ឥលូវបានបង្កើតក្លឹបថ្មីមួយឈ្មោះ សមាគម១៥៧គុនខ្មែរ នៅឯសង្កាត់ចោមចៅ២ រាជធានីភ្នំពេញ។ ខណៈពេលដែលបង្កើតក្លឹបថ្មីនេះដែរ លោកក៏ប្រកាសជ្រើសរើសសិស្សចាប់ពីអាយុ១៥ ដល់ ១៨ឆ្នាំ ដែលមានបំណងចង់ហាត់ប្រដាល់ និងក្លាយខ្លួនជាអ្នកប្រដាល់។
ចៅក្រមនៅសង្វៀនបាយ័នខាងលើនេះបន្ថែមថា រាល់ការហូបចុក ស្នាក់នៅគឺក្លឹបជាអ្នករាប់រងទាំងអស់ ប៉ុន្តែអ្នកដែលចូលមកហាត់ក៏ត្រូវមានស្បែក១គូ និងខោអាវសម្រាប់ហាត់ខ្លួនឯងដែរ។ អតីតអ្នកលេងកណ្ដាប់ដៃរូបនេះ ឲ្យដឹងពីគោលបំណងជ្រើសរើសសិស្សគុននេះដែរ គឺជាការផ្ដល់ឱកាសសម្រាប់ក្មេងៗដែលចង់ក្លាយជាអ្នកប្រដាល់ ហើយមិនដឹងថាទៅហាត់នៅឯណា ឬមិនមានលទ្ធភាពបង់ថ្លៃចូលហ្វឹកហាត់នៅក្លឹបដទៃ។
បញ្ជាក់ដែរថា ពេជ្រ សុផាន់ ជាអតីតអ្នកប្រដាល់ជំនាន់ឆ្នាំ ១៩៩៩-២០០០ ហើយបច្ចុប្បន្ននេះជាអាជ្ញាកណ្ដាល ចៅក្រម នៅសង្វៀនបាយ័ន។ ក្លឹបថ្មីរបស់លោក មានទីតាំងក្នុងបុរីសន្តិភាព២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ បើបងប្អូនចង់ហាត់អាចទាក់ទងទៅលោកផ្ទាល់តាមលេខទូរស័ព្ទលេខ 070 904 442៕
វីដេអូ៖
អ្វីដែលទន្ទឹងរងចាំបានមកដល់ ម្ចាស់ពាន Ballon d'Or នឹងប្រកាសយប់នេះ
ថោង ថុន៖ មានចំណុចពិសេស១ កើតឡើងនៅពាក់កណ្ដាលម៉ារ៉ាតុងឆ្នាំនេះ