Watford ក្លាយជាជនរងគ្រោះទី១៣ក្រោមថ្វីជើងរបស់ Man City
- 2018-12-05 01:30:33
- ចំនួនមតិ 0 | ចំនួនចែករំលែក 0
Watford ក្លាយជាជនរងគ្រោះទី១៣ក្រោមថ្វីជើងរបស់ Man City
ចន្លោះមិនឃើញ
Manchester City បានបន្តកំណត់ត្រាមិនចាញ់របស់ខ្លួននៅសប្ដាហ៍ទី១៥បន្ទាប់ពីយកឈ្នះ Watford ដោយលទ្ធផល២ទល់នឹង១ នៅ Premier League។
១៥ប្រកួតកន្លងមកក្រុមជើងឯកចាស់អង់គ្លេសបានស្មើ២ និងឈ្នះ១២ ដោយ Watford បានក្លាយជាក្រុមទី១៣ដែលពួកគេបំបាក់នៅរដូវកាលនេះ។ City រកគ្រាប់បញ្ចូលទីបានដោយខ្សែបម្រើប្រយុទ្ធឆ្នើមទាំងពីរ Leroy Sane និង Riyad Mahrez ប៉ុន្តែ Abdoulaye Doucoure វាយបកសងបាន១គ្រាប់វិញឲ្យម្ចាស់ផ្ទះ។
អ្នកចាត់ការក្រុមភ្ញៀវ Guardiola បាននិយាយថា City សក្ដិសមនឹងឈ្នះការប្រកួតនេះព្រោះពួកគេលេងបានយ៉ាងល្អ។ យ៉ាងណាបុរសសញ្ជាតិអេស្ប៉ាញទទួលស្គាល់កំហុស៥នាទីចុងក្រោយធ្វើឲ្យ Watford ស៊ុតបាន១គ្រាប់វិញ។ "លទ្ធផលត្រឹម២-០ វាមិនសុវត្ថិភាពទេ អ្នកត្រូវការគ្រាប់ទី៣។ នៅ Premier League អ្នកពិតជាមិនអាចសម្រាកបានឡើយ"៕