ឈឺហួសថ្លែង! Microsoft ឲ្យក្មេងស្រីតូចច្រៀងបាញ់ iPad របស់ Apple មិនសំចៃមាត់

2018-12-05 11:15:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាញឹកញយមិនថាក្រុមហ៊ុន Microsoft ឬ Apple តែងតែបាញ់បោះសារឌឺដងតាមរយៈវីដេអូផ្សព្វផ្សាយជុំវិញប្រព័ន្ធអ៊ីនធឺណិត ក្នុងគោលដៅបង្ហាញឲ្យអតិថិជនមើលឃើញថាផលិតផលរបស់ខ្លួនមានភាពលេចធ្លោជាង។

មិនខុសពីស្ពតផ្សព្វផ្សាយថ្មីមួយ ដោយមានតួអង្គក្មេងស្រីម្នាក់ដែលកំពុងសម្លឹងមើលទៅ Surface Go ហើយបញ្ចុះបញ្ចូលលោកយាយរបស់នាងមិនឲ្យទិញ iPad ក្រោមហេតុផលថាថេបប្លែតនោះត្រឹមតែជាកុំព្យូទ័រក្លែងក្លាយ។

ក្មេងស្រីច្រៀងក្នុងអត្ថន័យជាភាសាអង់គ្លេស៖ "លោកយាយកុំទិញ iPad កាលខ្ញុំមានវ័យ ៦ ឆ្នាំមិនជាអ្វីទេ តែនេះខ្ញុំ ១០ ឆ្នាំហើយ ក្តីស្រមៃរបស់ខ្ញុំក៏ធំ ដូច្នេះខ្ញុំត្រូវការកុំព្យូទ័រពិតប្រាកដដែលអាចធ្វើរឿងអស្ចារ្យជាច្រើន"។

យ៉ាងណាមិញតាមទិដ្ឋភាពបង្ហាញក្នុងសាច់វីដេអូចំណុចលេចធ្លោខ្លីមួយដែលថា Surface Go មានភាពជាកុំព្យូទ័រជាង Apple iPad គឺត្រង់ចំណុចនៃការសរសេរកូដ ប៉ុន្តែធាតុពិត iPad ក៏អាចធ្វើបានដូចគ្នា។ ចំណុចលំអិតជាងនេះមានតែរង់ចាំការ Review ប្រៀបធៀបផ្ទាល់ពីអ្នកជំនាញនោះយើងនឹងបានដឹងកាន់តែច្បាស់៕

ទស្សនាវីដេអូ៖